الماتىدا دۇنيەجۇزى قازاقتارىنىڭ قاۋىمداستىعىنىڭ قالالىق فيليالىنا جاڭا باسشى تاعايىندالدى، دەپ حابارلايدى "ادىرنا" ۇلتتىق پورتالى.
بۇل قىزمەتكە اقىن، فيلوسوف، قازاقستان جازۋشىلار وداعىنىڭ مۇشەسى، حالىقارالىق تۇرىكسوي ۇيىمى باس حاتشىسىنىڭ كەڭەسشىسى مۇراتحان شوقان كەلدى.
بەلگىلى قالامگەردىڭ جاڭا قىزمەتكە كەلۋى ۇيىمنىڭ رۋحاني جانە قوعامدىق باعىتتاعى جۇمىسىن كۇشەيتۋگە سەرپىن بەرەدى دەپ كۇتىلۋدە. قاۋىمداستىق وكىلدەرىنىڭ ايتۋىنشا، بۇل تاعايىنداۋ ۇلتتىق بىرلىك پەن مادەني بايلانىستى نىعايتۋ جولىنداعى ماڭىزدى قادامداردىڭ ءبىرى.
دۇنيەجۇزى قازاقتارىنىڭ قاۋىمداستىعى – شەتەلدەگى قازاق دياسپوراسى مەن تاريحي وتاندى بايلانىستىراتىن ماڭىزدى ۇيىمداردىڭ ءبىرى. ول ۇلتتىق قۇندىلىقتاردى دارىپتەپ، رۋحاني تۇتاستىقتى ساقتاۋعا باعىتتالعان جوبالاردى جۇزەگە اسىرىپ كەلەدى..
