بۇگىن، 17 شىلدەدە، قازاقستاندا 42 500 تەڭگە سوماسىندا الەۋمەتتىك تولەمدەر بويىنشا وتىنىشتەر قابىلداۋ باستالدى، دەپ حابارلايدى Dalanews.kz.
بۇل جولى جۇمىس بەرۋشىلەرگە سالماق تۇسەدى. ولار كارانتينگە بايلانىستى تابىسىنان ايىرىلعان قىزمەتكەرلەردى تىركەپ، ءتىزىمىن جاسايدى. وتىنىشتەر قىركۇيەك ايىنا دەيىن قابىلدانادى. بىراق بۇگىن ەڭبەك ءمينيسترى نۇرىمبەتوۆ قۇجاتتاردى بارلىعى بىردەي تاپسىرۋدىڭ قاجەت ەمەس ەكەنىن اتاپ ءوتتى. مىسالى، ستۋدەنتتەر رەسمي جۇمىس ىستەمەگەن بولسا، ولار وتەماقى الا المايدى. ەگەر قۇجاتتارى دۇرىس بولسا، وندا ول قىزمەتى توقتاتىلعان كومپانيا باسشىلىعىنا جۇگىنۋىنە بولادى.
42 500 تەڭگە شەكتەۋلەرگە بايلانىستى ءوز قاراجاتى ەسەبىنەن دەمالىسقا شىققاندارعا تولەنەدى. بۇل، نەگىزىنەن، سانيتارلىق دارىگەرلەردىڭ تىيىم سالۋىنا بايلانىستى قىزمەتىن توقتاتقان ۇيىمداردىڭ قىزمەتكەرلەرى. سونداي-اق تىزىمدە جەكە كاسىپكەرلەر، ءوزىن-ءوزى جۇمىسپەن قامتىعاندار، فريلانسەرلەر جانە جەكە پراكتيكادا جۇرگەندەر دە بار.
وتىنىشدەر بىردەن بىرنەشە پلاتفورمالاردا قابىلدانادى، بۇل ەكى سايت جانە Telegram بوت. مينيستر بىلتىرعىداي ساتسىزدىكتەر بولمايدى دەپ ۋادە بەردى. جۇمىستان بوساتىلعان نەمەسە 5 شىلدەدەن باستاپ ءوز جۇمىسىن توقتاتقاندارعا نۇرىمبەتوۆ جۇمىسپەن قامتۋ ورتالىعىنا حابارلاسۋعا كەڭەس بەردى. سەبەبى ەرتەڭ 42 500 تەڭگەگە ءوتىنىش تاپسىرۋ ماعىناسىز بولىپ شىعۋى مۇمكىن.
– ويتكەنى ول كەزدە ءوتىنىش بەرۋشىدەن جۇمىسپەن قامتۋ ورتالىقتارىنا حابارلاسقان-حابارلاسپاعانى سۇرالادى. ال ول ارادا سىزگە بوس جۇمىس ورىندارى جانە جۇمىسقا ورنالاسۋدىڭ باسقا مۇمكىندىكتەرى ۇسىنىلادى. ەگەر سىزگە ىڭعايلى جۇمىس بولماسا، ءسىز جۇمىسسىز رەتىندە تىركەلەسىز، ال ول كەزدە ءسىز 6 ايعا تولەنەتىن الەۋمەتتىك ساقتاندىرۋ قورىنان جۇمىسسىزدىق ءۇشىن الەۋمەتتىك جاردەماقى الۋعا اۆتوماتتى تۇردە جۇگىنە الاسىز، – دەدى قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.
جۇمىس بەرۋشىلەر ءوز قىزمەتكەرلەرىنىڭ مالىمەتتەرىن تەكسەرۋى كەرەك. ءوتىنىش بەرۋ ءۇشىن سىزگە كومپانيانىڭ بسن، قىزمەتكەردىڭ جسن جانە ونىڭ بانكتىك شوتىنىڭ 16-ساندىق ءنومىرى قاجەت. ءبىر ۋاقىتتا 20 ادامعا دەيىن سۇراۋعا بولادى. قالعاندارى قۇجاتتى وزدەرى تولتىرۋى كەرەك.
بۇل جولى اۋداندىق، قالالىق جانە سالىق مەكەمەلەرى ءبارىن تەكسەرەتىنىن ەسكەرتەمىز. ەگەر تولەم شوتىڭىزعا كەلىپ ءتۇسىپ، ال بۇل كەزدە كىرىس جوعالتپاعانىڭىز نەمەسە بۇرىن جۇمىس جاساماعانىڭىح انىقتالسا، وندا الەۋمەتتىك ساقتاندىرۋ قورىنىڭ قىزمەتكەرلەرى جاعدايعا ارالاسۋى مۇمكىن. ەگەر ەرتەڭ سايكەسسىزدىك انىقتالسا، وندا وسى قاراجاتتى تولەگەن جانە سوعان جاۋاپ بەرەتىن مەملەكەتتىك الەۋمەتتىك ساقتاندىرۋ قورى سوتقا شاعىمدانا الادى جانە تولەنگەن سومانىڭ قايتارىلۋىن تالاپ ەتە الادى، ياعني ەگەر بەرىلگەن اقپارات جالعان بولىپ شىقسا. ەكىنشى جاعىنان، جۇمىس بەرۋشى كارانتينگە بايلانىستى اقىسىز دەمالىسقا جىبەرگەن جۇمىسشىلارىنا قاتىستى ءوتىنىش بەرۋگە مىندەتتى. ەگەر ولار جۇمىس ىستەيتىن جۇمىسشىلارعا جۇگىنسە، وندا بۇل زاڭ بۇزۋشىلىق بولىپ سانالادى.
– ەگەر تەكسەرۋ بارىسىندا قانداي دا ءبىر زاڭبۇزۋشىلىق انىقتالسا، وندا مەملەكەتتىك الەۋمەتتىك ساقتاندىرۋ قورى اتالعان كاسىپورىندى سوتقا بەرگەنگە دەيىن تولەنگەن سومانى قايتارۋ ءۇشىن شارا قولدانا الادى، – دەدى ءبىرجان نۇرىمبەتوۆ.
جالپى، دەپارتامەنت بۇل جولى وتىنىشتەر از بولادى دەپ بولجايدى. ويتكەنى، قازىر شەكتەۋلەر توتەنشە جاعداي كەزىندەگىدەي قاتال ەمەس. پروتسەستى تەزدەتۋ ءۇشىن تالاپتار جەڭىلدەتىلدى. ماسەلەن، ءوزىن-ءوزى جۇمىسپەن قامتىعان ادامدار ءبات-ءتى قايتا تولەۋدىڭ قاجەتى جوق. ال كەيبىرەۋلەرىنە سايتقا كىرۋدىڭ نەمەسە Telegram-عا جازۋدىڭ قاجەتى جوق. شەنەۋنىكتەر كەيبىر ادامدارعا SMS كۇتۋدى سۇرايدى.
فوتو: 7news.kz
