ازەربايجان مەن ارمەنيا قاتىناسى شيەلەنىسكەن تۇستا باكۋدە ميتينگ ءوتتى (ۆيدەو)

اكتسياعا قاتىسقان جۇزدەگەن ادام قالانىڭ ورتالىق كوشەلەرىمەن ءجۇرىپ ءوتتى، دەپ حابارلادى ۆۆس.

جەرگىلىكتى اقپارات قۇرالدارىنىڭ مالىمەتى بويىنشا، اكتسياعا قاتىسۋشىلار ء"بىزدىڭ قاراباح", "اسكەر جاساسىن", "ساربازدار، العا", "باس قولباسشى، قول جينا" دەپ ۇرانداتقان.

تۇنگى ساعات 4 شاماسىندا ولار پارلامەنت عيماراتىنا كىرۋگە تالپىندى، دەپ حابارلادى "تۇران" اگەنتتىگى. پوليتسيا ۆودومەت جانە كوزدەن جاس اعىزاتىن گاز قولدانعان. ونداعان ادام ۇستالعان.

Report.az​ اگەنتتىگىنىڭ حابارلاۋىنشا, وسىنداي اكتسيالار ازەربايجاننىڭ باسقا دا قالالارى مەن ايماقتارىندا ءوتتى.

15 شىلدەدە تاڭەرتەڭ ازەربايجان بيلىگى ەلدىڭ قارۋلى كۇشتەرى كورشى ەلمەن شەكارادا ارمەنيانىڭ تاعى ءبىر اسكەري نىسانىنىڭ كوزىن جويعانىن حابارلادى.

ارمەنيانىڭ سىرتقى ىستەر مينيسترلىگى وتكەن تۇندە ەكى ەلدىڭ شەكاراسىندا ارتيللەريا قولدانىلماعانىن حابارلادى. "ارميان-ازەربايجان مەملەكەتتىك شەكاراسىنىڭ سولتۇستىك-شىعىسىندا تۇنگى ساعات 00:15-تەن وسى ساتكە دەيىن ايتارلىقتاي تىنىش بولدى", – دەپ جازدى 15 شىلدەدە تاڭەرتەڭ ارمەنيا قورعانىس مينيسترلىگىنىڭ ءباسپاسوز حاتشىسى شۋشان ستەپانيان فەيسبۋكتەگى پاراقشاسىندا.

ستەپانياننىڭ ايتۋىنشا، 14 شىلدەدە كەشكە ارمەنيانىڭ قارۋلى كۇشتەرى ازەربايجاننىڭ ەكى قاشىقتان باسقارىلاتىن ۇشاعىن اتىپ ءتۇسىردى.

ارمەنيا مەن ازەربايجان 12 شىلدەدە شەكارادا وق اشتى دەپ ءبىر-ءبىرىن ايىپتادى. وقيعا ەكى ەل اراسىنداعى شەكارانىڭ توۆۋزح ايدانىندا بولعان.

سەntralasia.org