Ázerbaıjan men Armenııa qarym-qatynasy shıelenisken tusta, 14 shildede keshke Bakýde ruqsat etilmegen mıtıng ótti.
Akııaǵa qatysqan júzdegen adam qalanyń ortalyq kóshelerimen júrip ótti, dep habarlady VVS.
Jergilikti aqparat quraldarynyń málimeti boıynsha, akııaǵa qatysýshylar "Bizdiń Qarabah", "Ásker jasasyn", "Sarbazdar, alǵa", "Bas qolbasshy, qol jına" dep urandatqan.
Túngi saǵat 4 shamasynda olar parlament ǵımaratyna kirýge talpyndy, dep habarlady "Turan" agenttigi. Polıııa vodomet jáne kózden jas aǵyzatyn gaz qoldanǵan. Ondaǵan adam ustalǵan.
Report.az agenttiginiń habarlaýynsha, osyndaı akııalar Ázerbaıjannyń basqa da qalalary men aımaqtarynda ótti.
15 shildede tańerteń Ázerbaıjan bıligi eldiń qarýly kúshteri kórshi elmen shekarada Armenııanyń taǵy bir áskerı nysanynyń kózin joıǵanyn habarlady.
Armenııanyń syrtqy ister mınıstrligi ótken túnde eki eldiń shekarasynda artıllerııa qoldanylmaǵanyn habarlady. "Armıan-ázerbaıjan memlekettik shekarasynyń soltústik-shyǵysynda túngi saǵat 00:15-ten osy sátke deıin aıtarlyqtaı tynysh boldy", – dep jazdy 15 shildede tańerteń Armenııa qorǵanys mınıstrliginiń baspasóz hatshysy Shýshan Stepanıan feısbýktegi paraqshasynda.
Stepanıannyń aıtýynsha, 14 shildede keshke Armenııanyń qarýly kúshteri Ázerbaıjannyń eki qashyqtan basqarylatyn ushaǵyn atyp túsirdi.
Armenııa men Ázerbaıjan 12 shildede shekarada oq ashty dep bir-birin aıyptady. Oqıǵa eki el arasyndaǵy shekaranyń Tovýzh aıdanynda bolǵan.
Sentralasia.org
