شىمكەنت قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى الەۋمەتتىك جەلىدەگى ءبىر رەتتىك مەديتسينالىق بەتپەردەلەرگە قاتىستى اۋديو جازبانى زەردەلەپ، فەيك ەكەنىن حابارلادى.
"قازاقستان رەسپۋبليكاسىندا مەديتسينالىق بۇيىمداردى (بىررەتتىك مەديتسينالىق بەتپەردەلەر) تەك ساپانىڭ سايكەستىك سەرتيفيكاتتارى بولعان كەزدە عانا وتكىزۋگە جول بەرىلەتىندىگىن ەسكەرتەدى. شىمكەنت قالاسىنىڭ دارىحانالىق ۇيىمدارىندا دارىلىك زاتتارمەن قامتاماسىز ەتۋ، بوساتۋ جانە شەكتى بولشەك ساۋدا باعالارىن ساقتاۋ جانە ءبىر رەتتىك مەديتسينالىق بەتپەردەلەر ساپاسىنىڭ سايكەستىك سەرتيفيكاتتارىنىڭ بولۋى بويىنشا مونيتورينگ جۇرگىزىلۋدە. مونيتورينگ جۇرگىزۋ بارىسىندا مەديتسينالىق بىررەتتىك بەتپەردەلەردى ساپا سايكەستىك سەرتيفيكاتىنسىز ىسكە اسىرۋ فاكتىلەرى بۇگىنگى كۇنگە انىقتالمادى.
سونىمەن قاتار، «دامۋ» وقو فارماتسەۆتيكالىق جانە مەديتسينالىق ۇيىمدار قاۋىمداستىعىنان، قۇزىرلى مەكەمەلەردەن قالا تۇرعىندارىنان مەديتسينالىق ءبىر رەتتىك بەتپەردەلەردەن COVID-19 ينفەكتسياسىنىڭ انىقتالعانى تۋرالى وتىنىشتەر تىركەلمەگەن.
وسى اتالعان مەكەمەلەرگە اۋديو جازبانى ءوز تاراپتارىنان ءىس-شارالار جۇرگىزۋ ءۇشىن جولدانعان،"-دەلىنەدى حابارلامادا.
شىمكەنت
