الەۋمەتتىك جەلىدە قىرعىز دەنساۋلىق ساقتاۋ ءمينيسترى مەن ونىڭ ورىنباسارى گەرمانياعا ەمدەلۋگە كەتتى دەگەن بولجام ايتىلۋدا دەپ حابارلايدى «ادىرنا» ۇلتتىق پورتالى TUZ.kg سايتىنا سىلتەمە جاساپ.
الايدا، بۇل اقپاراتتىڭ راس – وتىرىگى تۋرالى ناقتى دالەلدەر انىقتالعان جوق.
قىرعىزستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ ءباسپاسوز قىزمەتى ايتىلعان اقپاراتتىڭ شىندىققا جاناسپايتىنىن حابارلادى.
ءباسپاسوز قىزمەتىنەن بەلگىلى بولعان جالعىز اقپارات، ولار اۋرۋحانالاردىڭ بىرىندە ەمدەلۋدە.
دەنساۋلىق ساقتاۋ مينيسترلىگى شەنەۋنىكتەرىنىڭ ءدال قانداي اۋرۋحانادا ەمدەلىپ جاتقاندىقتارى تۋرالى اقپاراتتى جاريا ەتپەي، راسىمەن قۇپيا ۇستاۋ كەرەك-اۋ. ايتپەسە، بۇل اۋىرعانداردىڭ تۋىستارى اراسىندا، اۋىرىپ جاتقاندار اراسىندا، كوروناۆيرۋس پەن ەكىجاقتى پنەۆمونيادان (ەكى وكپەنىڭ قابىنۋىنان) قايتىس بولعانداردىڭ جاقىندارى تاراپىنان ۇلكەن داۋ تۋدىرۋى مۇمكىن.
دەنساۋلىق ساقتاۋ مينيسترىلىگىنىڭ وكىلدەرىنەن حالىقتىڭ جاۋاپ الا الماي وتىرعان سۇراقتارى مەن شەشىمىن تاپپاي تۇرعان ماسەلەلەرى كۇن سايىن وسپەسە، ازايماي وتىر.
ەستەرىڭىزگە سالا كەتەيىك، بۇعان دەيىن قىرعىز ەلىنىڭ قوعامدىق دەنساۋلىق ساقتاۋ باسقارماسىنىڭ باستىعى اينۇر اكماتوۆا حابارلاعانداي، قىرعىزستاننىڭ دەنساۋلىق ساقتاۋ ءمينيسترى س. ابدىكارىموۆتىڭ پتر-تالداۋىنىڭ ناتيجەسى تەرىس بولعان ەدى. وعان پنەۆمونيا دياگنوزى قويىلعان بولاتىن. ال ونىڭ ورىنباسارى ن. ۇسەنباەۆتىڭ COVID-19 – عا تاپسىرعان تەست وڭ ناتيجە كورسەتكەن. ولاردىڭ جاعدايى ورتاشا-اۋىر، قاناعاتتانارلىق دەپ باعالانۋدا. ولار ءتيىستى ەم الۋدا.
