Densaýlyq saqtaý mınıstri men onyń orynbasary emdelý úshin Germanııaǵa ketken be?

2318
Adyrna.kz Telegram

Áleýmettik jelide Qyrǵyz Densaýlyq saqtaý mınıstri men onyń orynbasary Germanııaǵa emdelýge ketti degen boljam aıtylýda dep habarlaıdy «Adyrna» ulttyq portaly TUZ.kg saıtyna silteme jasap.

Alaıda, bul aqparattyń ras – ótirigi týraly naqty dálelder anyqtalǵan joq.

Qyrǵyzstan Respýblıkasynyń Densaýlyq saqtaý mınıstrliginiń baspasóz qyzmeti aıtylǵan aqparattyń shyndyqqa janaspaıtynyn habarlady.

Baspasóz qyzmetinen belgili bolǵan jalǵyz aqparat, olar aýrýhanalardyń birinde emdelýde.

Densaýlyq saqtaý mınıstrligi sheneýnikteriniń dál qandaı aýrýhanada emdelip jatqandyqtary týraly aqparatty jarııa etpeı, rasymen qupııa ustaý kerek-aý. Áıtpese, bul aýyrǵandardyń týystary arasynda, aýyryp jatqandar arasynda, koronavırýs pen ekijaqty pnevmonııadan (eki ókpeniń qabynýynan) qaıtys bolǵandardyń jaqyndary tarapynan úlken daý týdyrýy múmkin.

Densaýlyq saqtaý mınıstriliginiń ókilderinen halyqtyń jaýap ala almaı otyrǵan suraqtary men sheshimin tappaı turǵan máseleleri kún saıyn óspese, azaımaı otyr.

Esterińizge sala keteıik, buǵan deıin Qyrǵyz eliniń  Qoǵamdyq densaýlyq saqtaý basqarmasynyń bastyǵy Aınur Akmatova habarlaǵandaı, Qyrǵyzstannyń Densaýlyq saqtaý mınıstri S. Ábdikárimovtiń  PTR-taldaýynyń nátıjesi teris bolǵan edi. Oǵan pnevmonııa dıagnozy qoıylǵan bolatyn.  Al onyń orynbasary N. Úsenbaevtyń COVID-19 – ǵa tapsyrǵan test oń nátıje kórsetken. Olardyń jaǵdaıy ortasha-aýyr, qanaǵattanarlyq dep baǵalanýda. Olar tıisti em alýda.

 

Pikirler