شىمكەنت: ەپيدەميولوگيالىق جاعداي باقىلاۋدا

1948
Adyrna.kz Telegram

بۇگىن شىمكەنت قالاسى اكىمدىگىندە شىمكەنت قالاسىنىڭ اكىمى مۇرات Əيتەنوۆتىڭ قاتىسۋىمەن ەپيدەميولوگيالىق جاعدايعا بايلانىستى قالاداعى ءدəرى-دəرمەك باعاسىن باقىلاۋ، سونداي-اق اشىلعان پروۆيزورلى ورىندار جəنە وكپەنى مەحانيكالىق جەلدەتۋ اپپاراتىمەن ناۋقاستاردى قامتاماسىز ەتۋ جونىندە بريفينگ ءوتتى.

ءباسپاسوز ماجىلىسىندە م.دۇيسەنبەكۇلى، ەڭ الدىمەن، قالاداعى ەپيدەميولوگيالىق احۋالعا بايلانىستى اشىلعان پروۆيزورلى ورىندار، جەدەل جاردەم قىزمەتىنىڭ جۇمىسى جانە جۇقپالى اۋرۋلارعا شالدىققان ناۋقاستارعا كورسەتىلىپ جاتقان كومەكتەر جايلى ايتتى.

– شىمكەنت قالاسىندا پروۆيزورلى ورىن سانى 1 ماۋسىمعا دەيىن 3 ستاتسيوناردا 320 توسەك-ورىن، 30 ماۋسىمعا دەيىن 23 ستاتسيوناردا 2 960 توسەك-ورىن، ال 7 شىلدەدەگى جاعداي بويىنشا 3010 توسەك-ورىن اشىلدى. ال كۇندىزگى ستاتسيونارلاردا 1 ماۋسىمعا دەيىن 1281 توسەك-ورىن بولسا، قازىرگى تاڭدا 51 ەمحانادا 633 توسەك-ورىن بار. سونداي-اق، جۇقپالى اۋرۋحانالارداعى توسەك-ورىنعا 160 ورىن قوسىلىپ، ول 650-گە جەتكىزىلدى. وسى رەتتە ناۋقاستار جايلى ايتسام، بۇگىنگە دەيىن قالادا پنەۆمونيامەن اۋىرعان 6340 ناۋقاس تىركەلسە، ونىڭ 95,6%-ى اۋرۋحاناعا جاتقىزىلىپ، 60 پايىزى ەمدەلىپ شىقتى. ال جرۆي-مەن اۋىرعانداردىڭ 86%-ى ەمدەلۋدە جانە كۇندىزگى ستاتسيونارلاردا كۇنىنە ورتا ەسەپپەن 2000 ناۋقاس قامتىلۋدا. بۇل رەتتە جەدەل جاردەم قىزمەتى جايىندا جەتكىزسەك، 1 ماۋسىمنان 6 شىلدەگە دەيىن شاقىرتۋ سانى 59 925-كە جەتكەن. ياعني، شاقىرتۋ سانى 2 ەسەگە ءوستى. وسىعان بايلانىستى «103» ديسپەتچەرلىك قىزمەتتەردىڭ سانى ۇلعايىپ، وعان قوسا Call-ورتالىعى (109, 1430) ىسكە قوسىلدى. جالپى بۇگىنگە دەيىن قالاداعى جۇقپالى اۋرۋلارمەن اۋىرعان ازاماتتارعا دەر كەزىندە كومەك كورسەتۋ ماقساتىندا 56 ءموبيلدى توپ قۇرىلىپ، ناتيجەسىندە 10 341 ناۋقاسقا قىزمەت كورسەتىلدى»، – دەدى قالا اكىمى.

اتالعان بريفينگ بارىسىندا م.ايتەنوۆ قالا تۇرعىندارىن ءدارى-دارمەكپەن قامتۋ، دارىلەردىڭ باعاسىن باعامداۋ جانە وكپەنى مەحانيكالىق جەلدەتۋ اپپاراتى جايىندا ءسوز قوزعادى.

– بۇگىنگە دەيىن قالادا 26 380 ادام الو ءموبيلدى توبىنىڭ قىزمەتى بويىنشا ءدارى-دارمەكپەن قامتىلدى. ياعني، بىزدە 10 ءىرى كوتەرمە ءدارى-دارمەك پەن مەديتسينالىق قۇرال-جابدىق جەتكىزىپ بەرۋشى مەكەمە جانە 560 ءدارىحانا جۇمىس اتقارادى. ءبىر ايلىق ءدارى-دارمەك قورى – دەنە قىزۋىن تومەندەتەتىن – 115 843 پرەپارات، ۆيرۋسقا قارسى – 136 352 پرەپارات، انتيبيوتيكتەر – 133 040 قوراپ جانە «س» دارۋمەندەرى 44 253 قوراپتى قۇراپ وتىر. ال دارىلەردىڭ باعاسىن باقىلاۋ جانە الىپساتارلىقتىڭ الدىن الۋ ماقساتىندا 4 مونيتورينگتىك توپ قۇرىلدى. قازىرگى تاڭدا بۇل مونيتورينگتىك توپتىڭ جۇمىسى كۇشەيتىلگەن. يۆل (وكپەنى مەحانيكالىق جەلدەتۋ اپپاراتى) جايلى ايتسام، بۇگىندە بىزدە 323 يۆل اپپاراتى بار. ونىڭ ىشىندە ءپورتاتيۆتى اپپارات – 130, «بوبروۆ» تىنىس الۋ اپپاراتى – 250, ال مونيتور – 10. وسى ورايدا قوسا كەتەيىن، ەمدىك جۇمىستارىن كۇشەيتۋ ماقساتىندا قالادا 6 اۋرۋحانادا ارنايى كيسلورود ستانتسيالارى ورناتىلۋدا»، – دەدى م.ايتەنوۆ.

ودان بولەك، قالا اكىمى وسى اپتانىڭ سوڭىندا «Covid-19 شىمكەنت» سايتىن اشاتىندىقتارىن جەتكىزدى. م.دۇيسەنبەكۇلىنىڭ ايتۋىنشا، اتالعان سايتتا ەپيدەميولوگيالىق جاعداي كەزىندەگى بارلىق اقپاراتتار جەدەل تۇردە تارقاتىلماق. بۇل رەتتە قالادا ارنايى اقپارات بەرىلەتىن پورتال جايلى ايتقان اكىم قالا تۇرعىندارىن رەسمي مالىمەتتەرگە سۇيەنۋلەرىن سۇرادى. وسى رەتتە قالا باسشىسى مەديتسينا قىزمەتكەرلەرىن قولداۋ ماقساتىندا 2 764 اق حالاتتى جاندارعا 780 ملن تەڭگە ەڭبەك اقىلارىنا ۇستەمەاقى تولەنىپ، ال حالىق قورى جانە دەمەۋشىلەر ەسەبىنەن 935 مەديتسينا قىزمەتكەرىنە 42,4 ملن تەڭگەگە ماتەريالدىق كومەك كورسەتىلگەنىن جەتكىزدى.

بريفينگ سوڭىندا مۇرات ايتەنوۆ قالا تۇرعىندارىنا 5 شىلدە كۇنى ەنگىزىلگەن قاتاڭ شەكتەۋ شارالارىنا تۇسىنىستىكپەن قاراپ، وسىنداي قيىن كەزەڭدە دۇربەلەڭگە سالىنباي، ساقتىق شارالارىن ۇستانۋعا شاقىردى.

شىمكەنت 

پىكىرلەر