Şymkent: Epidemiologiialyq jaǧdai baqylauda

Bügın Şymkent qalasy äkımdıgınde Şymkent qalasynyŋ äkımı Mūrat Əitenovtıŋ qatysuymen epidemiologiialyq jaǧdaiǧa bailanysty qaladaǧy dərı-dərmek baǧasyn baqylau, sondai-aq aşylǧan provizorly oryndar jəne ökpenı mehanikalyq jeldetu apparatymen nauqastardy qamtamasyz etu jönınde brifing öttı. Baspasöz mäjılısınde M.Düisenbekūly, eŋ aldymen, qaladaǧy epidemiologiialyq ahualǧa bailanysty aşylǧan provizorly oryndar, jedel järdem qyzmetınıŋ jūmysy jäne jūqpaly aurularǧa şaldyqqan nauqastarǧa körsetılıp jatqan kömekter jaily aitty.

– Şymkent qalasynda provizorly oryn sany 1 mausymǧa deiın 3 stasionarda 320 tösek-oryn, 30 mausymǧa deiın 23 stasionarda 2 960 tösek-oryn, al 7 şıldedegı jaǧdai boiynşa 3010 tösek-oryn aşyldy. Al kündızgı stasionarlarda 1 mausymǧa deiın 1281 tösek-oryn bolsa, qazırgı taŋda 51 emhanada 633 tösek-oryn bar. Sondai-aq, jūqpaly auruhanalardaǧy tösek-orynǧa 160 oryn qosylyp, ol 650-ge jetkızıldı. Osy rette nauqastar jaily aitsam, bügınge deiın qalada pnevmoniiamen auyrǧan 6340 nauqas tırkelse, onyŋ 95,6%-y auruhanaǧa jatqyzylyp, 60 paiyzy emdelıp şyqty. Al JRVİ-men auyrǧandardyŋ 86%-y emdelude jäne kündızgı stasionarlarda künıne orta eseppen 2000 nauqas qamtyluda. Būl rette jedel järdem qyzmetı jaiynda jetkızsek, 1 mausymnan 6 şıldege deiın şaqyrtu sany 59 925-ke jetken. Iаǧni, şaqyrtu sany 2 esege östı. Osyǧan bailanysty «103» dispetcherlık qyzmetterdıŋ sany ūlǧaiyp, oǧan qosa Call-ortalyǧy (109, 1430) ıske qosyldy. Jalpy bügınge deiın qaladaǧy jūqpaly aurularmen auyrǧan azamattarǧa der kezınde kömek körsetu maqsatynda 56 mobildı top qūrylyp, nätijesınde 10 341 nauqasqa qyzmet körsetıldı», – dedı qala äkımı.

Atalǧan brifing barysynda M.Äitenov qala tūrǧyndaryn därı-därmekpen qamtu, därılerdıŋ baǧasyn baǧamdau jäne ökpenı mehanikalyq jeldetu apparaty jaiynda söz qozǧady.

– Bügınge deiın qalada 26 380 adam ALO mobildı tobynyŋ qyzmetı boiynşa därı-därmekpen qamtyldy. Iаǧni, bızde 10 ırı köterme därı-därmek pen medisinalyq qūral-jabdyq jetkızıp beruşı mekeme jäne 560 därıhana jūmys atqarady. Bır ailyq därı-därmek qory – dene qyzuyn tömendetetın – 115 843 preparat, virusqa qarsy – 136 352 preparat, antibiotikter – 133 040 qorap jäne «S» därumenderı 44 253 qorapty qūrap otyr. Al därılerdıŋ baǧasyn baqylau jäne alypsatarlyqtyŋ aldyn alu maqsatynda 4 monitoringtık top qūryldy. Qazırgı taŋda būl monitoringtık toptyŋ jūmysy küşeitılgen. İVL (ökpenı mehanikalyq jeldetu apparaty) jaily aitsam, bügınde bızde 323 İVL apparaty bar. Onyŋ ışınde portativtı apparat – 130, «Bobrov» tynys alu apparaty – 250, al monitor – 10. Osy oraida qosa keteiın, emdık jūmystaryn küşeitu maqsatynda qalada 6 auruhanada arnaiy kislorod stansiialary ornatyluda», – dedı M.Äitenov.

Odan bölek, qala äkımı osy aptanyŋ soŋynda «Covid-19 Şymkent» saityn aşatyndyqtaryn jetkızdı. M.Düisenbekūlynyŋ aituynşa, atalǧan saitta epidemiologiialyq jaǧdai kezındegı barlyq aqparattar jedel türde tarqatylmaq. Būl rette qalada arnaiy aqparat berıletın portal jaily aitqan äkım qala tūrǧyndaryn resmi mälımetterge süienulerın sūrady. Osy rette qala basşysy medisina qyzmetkerlerın qoldau maqsatynda 2 764 aq halatty jandarǧa 780 mln teŋge eŋbek aqylaryna üstemeaqy tölenıp, al Halyq qory jäne demeuşıler esebınen 935 medisina qyzmetkerıne 42,4 mln teŋgege materialdyq kömek körsetılgenın jetkızdı. Brifing soŋynda Mūrat Äitenov qala tūrǧyndaryna 5 şılde künı engızılgen qataŋ şekteu şaralaryna tüsınıstıkpen qarap, osyndai qiyn kezeŋde dürbeleŋge salynbai, saqtyq şaralaryn ūstanuǧa şaqyrdy.

Şymkent