بەلگىلى رەجيسسەر اقان ساتاەۆ "قازاقفيلم" اق پرەزيدەنتى قىزمەتىنە كەلدى. بۇل تۋرالى مادەنيەت جانە سپورت مينيسترلىگى حابارلادى.
"قازاقستان مادەنيەت جانە سپورت ءمينيسترىنىڭ بۇيرىعىمەن اقان ساتاەۆ شاكەن ايمانوۆ اتىنداعى "قازاقفيلم" اق پرەزيدەنتى بولىپ تاعايىندالدى", - دەلىنگەن ۆەدومستۆونىڭ سايتىندا.
ۇجىمعا جاڭا باسشىنى ۆيتسە-مينيستر نۇرعيسا داۋەشوۆ تانىستىرىپ، الداعى قىزمەتىنە سəتتىلىك تىلەدى. "قازاقفيلم" اق پرەزيدەنتى لاۋازىمىن بۇعان دەيىن ارمان اسەنوۆ اتقارعان.
اقان قارعامبايۇلى ساتاەۆ 1971 جىلى قاراعاندى قالاسىندا دۇنيەگە كەلگەن.
1994 جىلى الماتى قالاسىنداعى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ كينو جانە تەلەۆيدەنيە فاكۋلتەتىن تəماماداعان.
2003 جىلى "Sataifilm" ستۋدياسىنىڭ نەگىزىن قالاپ، 2007 جىلى "رەكەتير" اتتى العاشقى تولىقمەتراجدى ءفيلمىن، "اداسقان" ميستيكالىق تريللەرىن (2009), "اعايىندى" سەريالىن (2009), "ليكۆيداتور" پسيحولوگيالىق دراماسىن (2011), "جاۋجۇرەك مىڭ بالا" تاريحي ءفيلمىن (2012) تۇسىرگەن.
سونىمەن قاتار "رايونى" كريمينالدىق دراماسى مەن "اناعا اپارار جول" تاريحي دراماسىنىڭ (2016), "بيزنەسمەنى" (2018), "توميريس" (2019) جəنە تاعى باسقا كينو تۋىندىلاردىڭ رەجيسسەرى.
اقان ساتاەۆ 2014 جىلى كينويندۋستريا سالاسىنىڭ ۇزدىك وكىلى رەتىندە "حالىق سۇيىكتىسى" ۇلتتىق سىيلىعىنا يە بولدى.
2016 جىلى جاس رەجيسسەرلەردى قولداۋعا باعىتتالعان Astana Film Found قورىنىڭ نەگىزىن قالاعان.
"ادىرنا" ۇلتتىق پورتالى
