وكپەسىندەگى دەرتى اسقىنعان اجەي گالينا حرۋششەۆا 2020 جىلدىڭ 26 ماۋسىمى كۇنى قالالىق №1 كلينيكالىق اۋرۋحاناعا اۋىر حالدە جەدەل جاردەممەن جەتكىزىلگەن. دارىگەرلەر ەگدە جاستاعى كىسىگە “پنەۆمونيا” دياگنوزىن قويعان.
قارت كىسىنى تەكسەرە كەلە ماماندار ونىڭ وكپەسىنىڭ 90 پايىزى زاقىمدانعانىن انىقتايدى. بۇعان قوسا ناۋقاستىڭ وكپەسىنەن قان كەتكەن.
دەنساۋلىق جاعدايىنىڭ اۋىرلاۋىنا بايلانىستى دارىگەرلەر اجەيدى 30 ماۋسىم كۇنى جانساقتاۋ بولىمىنە اۋىستىرادى. جانساقتاۋ بولىمىندە ناۋقاسقا COVID-19 ەمدەۋ حاتتاماسىنا سايكەس مەديتسينالىق كومەك كورسەتىلەدى.
ناتيجەسىندە قارت كىسىنىڭ دەنساۋلىعى جاقسارىپ، 06.07.2020 جىلى اۋرۋحانادان شىعارىلدى.
دارىگەرلەر 82 جاستاعى قاريانىڭ قازىرگى جاعدايى جاقسى دەيدى. ال اجەي ءوزىن اجالدان اراشالاپ قالعان مەديتسينا ماماندارىنا العىسىن ءبىلدىردى.
"بارلىق مەديتسينا ماماندارىنا العىس ايتامىن! ءاردايىم ساقتانىپ جۇرىڭىزدەر”، - دەيدى 82 جاستاعى گالينا حرۋششەۆا.
شىمكەنت
