Ókpesindegi derti asqynǵan ájeı Galına Hrýeva 2020 jyldyń 26 maýsymy kúni qalalyq №1 klınıkalyq aýrýhanaǵa aýyr halde jedel járdemmen jetkizilgen. Dárigerler egde jastaǵy kisige “Pnevmonııa” dıagnozyn qoıǵan.
Qart kisini teksere kele mamandar onyń ókpesiniń 90 paıyzy zaqymdanǵanyn anyqtaıdy. Buǵan qosa naýqastyń ókpesinen qan ketken.
Densaýlyq jaǵdaıynyń aýyrlaýyna baılanysty dárigerler ájeıdi 30 maýsym kúni jansaqtaý bólimine aýystyrady. Jansaqtaý bóliminde naýqasqa COVID-19 emdeý hattamasyna sáıkes medıınalyq kómek kórsetiledi.
Nátıjesinde qart kisiniń densaýlyǵy jaqsaryp, 06.07.2020 jyly aýrýhanadan shyǵaryldy.
Dárigerler 82 jastaǵy qarııanyń qazirgi jaǵdaıy jaqsy deıdi. Al ájeı ózin ajaldan arashalap qalǵan medıına mamandaryna alǵysyn bildirdi.
"Barlyq medıına mamandaryna alǵys aıtamyn! Árdaıym saqtanyp júrińizder”, - deıdi 82 jastaǵy Galına Hrýeva.
Shymkent
