ەلوردا كۇنى قازاقستاندا مەملەكەتتىك مەرەكە بولىپ سانالادى."ادىرنا" پورتالى مەملەكەتتىك مەرەكە سانالاتىن كۇننىڭ قالاي بەلگىلەنگەندىگىن قىسقاشا شولىپ ءوتتى.
1. 1994 جىلى 6 شىلدەدە قر جوعارى كەڭەسى استانانى اۋىستىرۋ تۋرالى شەشىم قابىلدادى.
2. 1997 جىلى 10 جەلتوقساندا ەل استاناسى الماتىدان اقمولاعا كوشىرىلدى.
3. 1998 جىلى 6 مامىردا پرەزيدەنت جارلىعىمەن اقمولا قالاسىنىڭ اتاۋى استانا بولىپ وزگەرتىلدى.
4. 1998 جىلى 10 ماۋسىمدا جاڭا استانانىڭ تۇساۋكەسەرى ءوتتى. وسى كۇننەن باستاپ 2006 جىلعا دەيىن بۇل كۇن استانانىڭ تۋعان كۇنى بولىپ تويلانىپ كەلدى.
5. 2006 جىلى استانا قالاسى ماسەليحات دەپۋتتاتتارى استانا كۇنىن 6 شىلدەگە وزگەرتتى. داتانى وزگەرتۋگە 1994 جىلعى جوعارعى كەڭەستىڭ شەشىمى سەبەپ بولعان.
6. 2019 جىلى 20 ناۋرىزدا ەكىنشى پرەزيدەنت قاسىم-جومارت توقاەۆ استانا اتاۋىن نۇر-سۇلتان دەپ اتاۋدى ۇسىندى. پارلامەنت پەن قالانىڭ ماسەليحات دەپۋتاتتارى قولداعاننان كەيىن، 23 ماۋسىمدا ءتيىستى جارلىققا قول قويىلىپ، استانا نۇر-سۇلتان دەپ اتالدى.
ايتا كەتەيىك، بيىل نۇر-سۇلتان قالاسىنىڭ تۋعان كۇنى تۇڭعىش پرەزيدەنت نۇرسۇلتان نازارباەۆتىڭ 80 جىلدىعىمەن تۇسپا-تۇس كەلىپ وتىر.
"ادىرنا" ۇلتتىق پورتالى
