ون كۇننەن استى، اۋىرىپ جاتقانىما. بۇل اۋىرۋدىڭ القىمى اۋىر. مەنىڭ ويىمشا، ادامنىڭ ساناسىن ۋلاپ، كۇرەسۋگە دەگەن دەمىن سۇلاتۋعا تىرىساتىن ءتارىزدى. ال ەندى، تەمپەراتۋرا كوتەرىلىپ، سانا ۋلانىپ قالعاندا، ەتىڭدى ءىرىپ جاتسا دا، ادام سۇلەيسوق بولادى ەكەن. دارىگەرلەر ءتۇنى ءجۇرىپ، ءدارى- ۋكولىن بەرىپ، ۇرسىپ ءجۇرىپ، سانانى وياتىپ، الىپ شىقتى. قازىر ءوز جاعدايىم قالىپتى.
جالپى، جاعداي كۇردەلى دەپ ويلايمىن. ءالى دە كۇردەلەنە ءتۇسۋى ىقتيمال. بۇل اۋرۋدىڭ تابيعاتىن تۇسىنبەي جاتىرمىز. قوعام قاتىگەزدەنە تۇسسە،، جاقسىعا سەنبەسە، بۇل قىزىلكوزىڭ ورشەلەنە تۇسەدى.
مەن دە، بەس كۇندە كورمەگەندى كوردىم، نەشە ءتۇرلى اۋىر ەلەس بولدى. ءبىر ءجىپسىز جاقسىعا دەگەن سەنىم الىپ شىققان ءتارىزدى.
سابىرلى بولعان دۇرىس. ءبىر-ءبىرىمىزدى سىيلاپ، مەيىرىمدىلىككە باۋلىعان دۇرىس. بۇل زۇلماتتى ءار- قايسىسىمىز جەكە جەڭە الامىز. ول جەڭىستىڭ اتى سابىر، ءوزىڭدى ءوزىڭ كۇتۋ، باسقانىڭ دەنساۋلىعىنا زيان جاساماۋ.
ۆراچتارعا، اسىرەسە، كىشى مەدپەرسونالعا راحمەت! مەدسەسترا، سانيتار جىگىتتەر ناعىز باتىر. كۇنى ءتۇنى ۇيقى جوق، جۇگىرىپ جۇرگەنى. بارشا دوستارىما راحمەت!
ءوتىنىش، پيعىلدى تۇزەيىك. ۆاكتسينادان باسقا كىلتيپان دا بار. كىلت سول جاقتا بولۋى مۇمكىن...
كارانتين قاجەت.... ۇجىمدىق جاۋاپكەرشىلىك جانە يممۋنيتەتتى نىعايتۋ ماڭىزدى.
بارشا دوستارىما اماندىقتا بولايىق دەپ تىلەيمىن!!!
سابىر...
ەرلان سايروۆتىڭ جەلىدەگى جازباسىنان
