104 ادام ۆاكتسينانىڭ ەكى كومپونەنتىن تولىق العاننان كەيىن دە كوروناۆيرۋسپەن اۋىردى. بۇل تۋرالى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا مالىمدەدى، دەپ حابارلايدى "ادىرنا" ۇلتتىق پورتالى.
ء"بىز ۆاكتسيناتسيادان كەيىنگى اۋرۋدى ءبىرىنشى كومپونەنتتەن كەيىن دە، ەكىنشى كومپونەنتتەن كەيىن دە باقىلاۋعا مىندەتتىمىز. بۇگىنگى كۇنى جالپى رەسپۋبليكا بويىنشا ءبىرىنشى كومپونەنتتەن كەيىن اۋرۋ جۇقتىرعان 541 جاعداي تىركەلدى. ەكىنشى كومپونەنتتەن كەيىن - 104 جاعداي", - دەدى ايجان ەسماعامبەتوۆا وكق بريفينگىندە.
ول نەلىكتەن كەيبىرەۋلەردە كوروناۆيرۋستىق ينفەكتسياعا قارسى يممۋنيتەتتىڭ قارسى تۇرا المايتىنىن ءتۇسىندىردى.
"بۇگىنگى كۇنى Sputnik V تيىمدىلىگى 92% قۇرايدى. بۇل دەگەنىمىز، 8% -دا يممۋندىق جاۋاپ بولماۋى مۇمكىن. ال ەگەر ءبىزدىڭ ازاماتتار ءبىرىنشى جانە ەكىنشى كومپونەنتتەرمەن العان ەكپەلەر سانىن ەسەپتەيتىن بولساق، وندا، نەگىزىنەن، ءبىرىنشى كومپونەنتتەن كەيىنگى ۇلەس سالماعى تەك 0,02%، ال ەكىنشى كومپونەنتتەن كەيىن - 0,03% قۇرايدى. بۇل ساندار ۆاكتسينانىڭ ءتيىمدى ەكەنىن دالەلدەيدى، بىراق ەشكىم ەشقاشان ۆاكتسينا اۋرۋدان 100% قورعايدى دەپ ايتقان ەمەس", - دەپ ءتۇسىندىردى سانيتارلىق-ەپيدەميولوگيالىق باقىلاۋ كوميتەتىنىڭ باسشىسى.
ونىڭ ايتۋىنشا، ەپيدەميولوگيالىق زەرتتەۋلەردىڭ ناتيجەلەرى ۆاكتسيناتسياعا ادامدار كوروناۆيرۋستى جۇقتىرعان كەزدە كەلگەندىگىن كورسەتتى.
"ادىرنا" ۇلتتىق پورتالى
