شىمكەنت قالاسى ەلىمىزدەگى ەپيدەميولوگيالىق جاعدايدى قالىپقا كەلتىرۋ بارىسىنداعى مەملەكەت باسشىسى ق.توقاەۆتىڭ تاپسىرمالارىن دەر كەزىندە ورىنداۋدا.
ماسەلەن، شىمكەنت قالاسىندا رەسپۋبليكا بويىنشا العاش رەت 51 كۇندىزگى ستاتسيونار اشىلدى. ناتيجەسىندە، قالادا ينفەكتسيالىق دەرتكە شالدىققان ناۋقاستارعا مەديتسينالىق كومەك كورسەتۋ ەكى ەسەگە كۇشەيدى. شىمكەنت قالاسىنىڭ اكىمى مۇرات ايتەنوۆتىڭ تاپسىرمالارى مۇلتىكسىز ورىندالىپ، قالاداعى ەپيدەميولوگيالىق جاعداي رەتكە كەلتىرىلۋدە.
ماۋسىم ايىنىڭ سوڭىندا شىمكەنت قالاسىندا جۇقپالى اۋرۋمەن اۋىرعان ناۋقاستار سانى كۇرت ءوستى. پنەۆمونيامەن اۋىرعاندار 5,8 ەسەگە، ال جرۆي-مەن اۋىرعان ناۋقاستار سانى 2 ەسەگە ارتتى. وسى جاعدايعا بايلانىستى جەدەل جاردەم قىزمەتىنە قوڭىراۋ شالاتىن تۇرعىندار سانى 5 ەسەگە كوبەيدى.
ورتا ەسەپپەن ءبىر كۇندە 2100-دەن اسا شاقىرتۋ تۇسە باستادى. بۇل شاقىرتۋلارعا ءدال ۋاقىتىندا قىزمەت كورسەتۋ ءۇشىن شىمكەنت قالاسىنىڭ اكىمى مۇرات دۇيسەنبەكۇلىنىڭ تاپسىرماسىمەن جەدەل تۇردە پروۆيزورلى ورىندار اشىلدى.
بۇگىندە قالادا بارلىق مەديتسينالىق قۇرال-جابدىقتارمەن قامتىلعان 2870 توسەك-ورىن بار. ونىڭ 650-ءى جۇقپالى اۋرۋحانالارعا، 2220-سى پروۆيزورلى ورىنعا ارنالعان. ياعني، ينفەكتسيالىق اۋرۋعا شالدىققان ناۋقاستار ءۇشىن ورىن جەتكىلىكتى.
دەگەنمەن جاعداي قالىپقا كەلسە دە، رەزەرۆتىك پروۆيزورلى ورىندار دايىندالۋدا. كەشە جەڭىل اتلەتيكالىق سپورت كەشەنىنەن 150 ورىن دايىندالدى. وسىنداي ورىنداردى 1 شىلدە كۇنى 450-گە جەتكىزۋ كوزدەلىپ وتىر.
ايتا كەتەيىك، شىمكەنت قالاسىندا حالىقتىڭ دەنساۋلىعىن نىعايتۋ ماقساتىندا كۇندىزگى ستاتسيونار قىزمەتكەرلەرى دەمالىسسىز قىزمەت كورسەتۋدە. ال بارلىق اۋرۋحانالار مەن ەمحانالارعا ءدارى-دارمەك ءۇزىلىسسىز جەتكىزىلۋدە.
شىمكەنت
