Shymkent qalasy elimizdegi epıdemıologııalyq jaǵdaıdy qalypqa keltirý barysyndaǵy Memleket basshysy Q.Toqaevtyń tapsyrmalaryn der kezinde oryndaýda.
Máselen, Shymkent qalasynda respýblıka boıynsha alǵash ret 51 kúndizgi staıonar ashyldy. Nátıjesinde, qalada ınfekııalyq dertke shaldyqqan naýqastarǵa medıınalyq kómek kórsetý eki esege kúsheıdi. Shymkent qalasynyń ákimi Murat Áıtenovtyń tapsyrmalary múltiksiz oryndalyp, qaladaǵy epıdemıologııalyq jaǵdaı retke keltirilýde.
Maýsym aıynyń sońynda Shymkent qalasynda juqpaly aýrýmen aýyrǵan naýqastar sany kúrt ósti. Pnevmonııamen aýyrǵandar 5,8 esege, al JRVI-men aýyrǵan naýqastar sany 2 esege artty. Osy jaǵdaıǵa baılanysty jedel járdem qyzmetine qońyraý shalatyn turǵyndar sany 5 esege kóbeıdi.
Orta eseppen bir kúnde 2100-den asa shaqyrtý túse bastady. Bul shaqyrtýlarǵa dál ýaqytynda qyzmet kórsetý úshin Shymkent qalasynyń ákimi Murat Dúısenbekulynyń tapsyrmasymen jedel túrde provızorly oryndar ashyldy.
Búginde qalada barlyq medıınalyq qural-jabdyqtarmen qamtylǵan 2870 tósek-oryn bar. Onyń 650-i juqpaly aýrýhanalarǵa, 2220-sy provızorly orynǵa arnalǵan. Iaǵnı, ınfekııalyq aýrýǵa shaldyqqan naýqastar úshin oryn jetkilikti.
Degenmen jaǵdaı qalypqa kelse de, rezervtik provızorly oryndar daıyndalýda. Keshe jeńil atletıkalyq sport kesheninen 150 oryn daıyndaldy. Osyndaı oryndardy 1 shilde kúni 450-ge jetkizý kózdelip otyr.
Aıta keteıik, Shymkent qalasynda halyqtyń densaýlyǵyn nyǵaıtý maqsatynda kúndizgi staıonar qyzmetkerleri demalyssyz qyzmet kórsetýde. Al barlyq aýrýhanalar men emhanalarǵa dári-dármek úzilissiz jetkizilýde.
Shymkent
