Microsoft كومپانياسىنىڭ نەگىزىن قالاۋشى بيلل گەيتس CNN-گە بەرگەن سۇحباتىندا كوروناۆيرۋسقا قارسى ۆاكتسينالار اۋرۋدىڭ تاراۋىن مۇلدە توقتاتاتىنى تۋرالى قانداي دا ءبىر كەپىلدىكتىڭ جوعىن ايتتى، - دەپ حابارلايدى ينوتۆ.
الايدا، ونىڭ ايتۋىنشا، باستى ماسەلە ۆاكتسينانى ازىرلەپ، ونى تاراتۋ ەمەس، ادامداردى ەكپە جاساۋعا كوندىرۋ بولادى ەكەن.
"سىزدە ۆاكتسينانى سالدىرۋ نە سالدىرماۋعا تاڭداۋ بولادى. بۇل سوڭعى كەدەرگىلەردىڭ ءبىرى", - دەيدى بيلل گەيتس.
ۆاكتسينانى ازىرلەۋ تۋرالى ميللياردەر ونى دايىندايتىن ادامدار ەكىگە بولىنەتىنىن ايتتى: بىرىنشىدەن، ۆاكتسينا كوروناۆيرۋسقا قارسى قالاي اسەر ەتەتىنىن، ەكىنشىدەن، ۆيرۋستىڭ باسقا ادامدارعا تاراپ كەتپەۋىنە ءمان بەرەتىندەر.
گەيتس الەمدەگى جانە اقش-تاعى كوروناۆيرۋس جاعدايى كۇتكەندەگىدەن "قيىن" ەكەنىن ايتادى.
كاسىپكەر اقش-تا ۆيرۋس جۇقتىرعاندار سانىنىڭ ءوسۋى ناۋقاستاردىڭ دۇرىس تەكسەرىستەن وتپەيتىنىمەن جانە ولارمەن بايلانىستا بولعاندار دۇرىس زەرتتەلمەيتىنىمەن، سونداي-اق جەرگىلىكتى حالىق ماسكا تاقپايتىنىمەن بايلانىستىردى.
دجونس حوپكينس اتىنداعى ۋنيۆەرسيتەت مالىمەتىنشە، 28 ماۋسىمداعى جاعداي بويىنشا، اقش-تا كوروناۆيرۋس جۇقتىرعانداردىڭ سانى 2,5 ميلليوننان اسىپ، قايتىس بولعانداردىڭ سانى 125 مىڭعا جەتكەن.
