Microsoft kompanııasynyń negizin qalaýshy Bıll Geıts CNN-ge bergen suhbatynda koronavırýsqa qarsy vakınalar aýrýdyń taraýyn múlde toqtatatyny týraly qandaı da bir kepildiktiń joǵyn aıtty, - dep habarlaıdy InoTV.
Alaıda, onyń aıtýynsha, basty másele vakınany ázirlep, ony taratý emes, adamdardy ekpe jasaýǵa kóndirý bolady eken.
"Sizde vakınany saldyrý ne saldyrmaýǵa tańdaý bolady. Bul sońǵy kedergilerdiń biri", - deıdi Bıll Geıts.
Vakınany ázirleý týraly mıllıarder ony daıyndaıtyn adamdar ekige bólinetinin aıtty: birinshiden, vakına koronavırýsqa qarsy qalaı áser etetinin, ekinshiden, vırýstyń basqa adamdarǵa tarap ketpeýine mán beretinder.
Geıts álemdegi jáne AQSh-taǵy koronavırýs jaǵdaıy kútkendegiden "qıyn" ekenin aıtady.
Kásipker AQSh-ta vırýs juqtyrǵandar sanynyń ósýi naýqastardyń durys tekseristen ótpeıtinimen jáne olarmen baılanysta bolǵandar durys zerttelmeıtinimen, sondaı-aq jergilikti halyq maska taqpaıtynymen baılanystyrdy.
Djons Hopkıns atyndaǵy ýnıversıtet málimetinshe, 28 maýsymdaǵy jaǵdaı boıynsha, AQSh-ta koronavırýs juqtyrǵandardyń sany 2,5 mıllıonnan asyp, qaıtys bolǵandardyń sany 125 myńǵa jetken.
