الماتى تۇرعىنىنا بانك 45 ميلليارد تەڭگە (111 ميلليون دوللار - ەسك.) كولەمەندە نەسيە العانىڭ ءۇشىن دەپ قارىز شىعارىپتى، - دەپ حابارلايدى "ەۋرازيا ءبىرىنشى ارناسىنا" سىلتەمە جاساعان تەنگرينيۋس.
مۇنداي ۇلكەن سوما نەسيە شارتى بويىنشا سوت قۇجاتتارىندا كورسەتىلگەن. بىراق ايەل قيسىنسىز قاتەلىك كەتكەنىن ايتادى.
"بۇل يا قاتە، يا سوت جۇيەسىنىڭ شەكتەن شىققانى. مەن بارلىق ورگانعا جازدىم. انامىن، بەس جاستاعى بالانى جالعىز تاربيەلەپ وتىرمىن. پاتەرىم يپوتەكادا. بارلىق ەسەپشوتىمدى بۇعاتتاپ تاستادى، ءتىپتى يپوتەكامدى تولەي الماي وتىرمىن", - دەدى زەبيحون قادىروۆا.
ايەل قارىزعا اقشا الىپ، قورعاۋشى جالداعان جانە اپپەلياتسياعا بەرگەن. سويتسە، 10 جىل بۇرىن ول ءبىر فيرمادا زاڭگەر بولىپ جۇمىس ىستەگەن جانە بانك پەن فيرما اراسىنداعى نەسيە شارتىنا قاتىسىم بولادى دەپ ويلاماعان دا. بىرەۋ ونىڭ اتىن پايدالانىپ، كەلىسىمگە قوسىپ جىبەرگەن.
ء"وزى شەتەلدە بولعاندىقتان، بۇل كەلىسىمگە قول قويماعان. ياعني ول ءىس جۇزىندە بۇل كەلىسىمگە قاتىسپادى. بىرەۋ ونىڭ تولقۇجات دەرەكتەرىن العان جانە پايدالانعان", - دەدى قورعاۋشىسى تالعات مىلتىقباەۆ.
شاعىم بەرۋدىڭ جالعىز جولى - جوعارعى سوتقا جۇگىنۋ. بىراق بۇل وڭاي ەمەس. ايەل مەملەكەتتىك باج سالىعىن - قارىزداعى سومانىڭ ءبىر پايىزىن تولەۋ كەرەك. ال ول - 450 ميلليون تەڭگە.
"قازىر ءىس اۋداندىق سوتقا جىبەرىلدى. قازىر سوت عيماراتىندا دەزينفەكتسيالىق جۇمىستار ءجۇرىپ جاتىر. سودان سوڭ ءتيىستى اقپاراتتى حابارلايمىز", - دەگەن پىكىر ءبىلدىردى جاعدايعا قاتىستى قالالىق سوتتىڭ ءباسپاسوز حاتشىسى اباي جارىلقاسىن.
قورعاۋشى مەن الماتىلىق ايەل جاۋاپ بەرەتىن تۇلعانىڭ قولى شارتتا كورسەتىلمەسە، قالايشا سوت ميللياردتاعان سومانى تولەۋ تۋرالى شەشىم شىعارعانىن تۇسىنبەيدى. ولار ءىستىڭ قايتا قارالۋىن تالاپ ەتەدى.
