Almaty turǵynyna bank 45 mıllıard teńge (111 mıllıon dollar - esk.) kólemende nesıe alǵanyń úshin dep qaryz shyǵarypty, - dep habarlaıdy "Eýrazııa birinshi arnasyna" silteme jasaǵan Tengrınıýs.
Mundaı úlken soma nesıe sharty boıynsha sot qujattarynda kórsetilgen. Biraq áıel qısynsyz qatelik ketkenin aıtady.
"Bul ıa qate, ıa sot júıesiniń shekten shyqqany. Men barlyq organǵa jazdym. Anamyn, bes jastaǵy balany jalǵyz tárbıelep otyrmyn. Páterim ıpotekada. Barlyq esepshotymdy buǵattap tastady, tipti ıpotekamdy tóleı almaı otyrmyn", - dedi Zebıhon Qadyrova.
Áıel qaryzǵa aqsha alyp, qorǵaýshy jaldaǵan jáne appelıaııaǵa bergen. Sóıtse, 10 jyl buryn ol bir fırmada zańger bolyp jumys istegen jáne bank pen fırma arasyndaǵy nesıe shartyna qatysym bolady dep oılamaǵan da. Bireý onyń atyn paıdalanyp, kelisimge qosyp jibergen.
"Ózi shetelde bolǵandyqtan, bul kelisimge qol qoımaǵan. Iaǵnı ol is júzinde bul kelisimge qatyspady. Bireý onyń tólqujat derekterin alǵan jáne paıdalanǵan", - dedi qorǵaýshysy Talǵat Myltyqbaev.
Shaǵym berýdiń jalǵyz joly - Joǵarǵy sotqa júginý. Biraq bul ońaı emes. Áıel memlekettik baj salyǵyn - qaryzdaǵy somanyń bir paıyzyn tóleý kerek. Al ol - 450 mıllıon teńge.
"Qazir is aýdandyq sotqa jiberildi. Qazir sot ǵımaratynda dezınfekııalyq jumystar júrip jatyr. Sodan soń tıisti aqparatty habarlaımyz", - degen pikir bildirdi jaǵdaıǵa qatysty qalalyq sottyń baspasóz hatshysy Abaı Jarylqasyn.
Qorǵaýshy men almatylyq áıel jaýap beretin tulǵanyń qoly shartta kórsetilmese, qalaısha sot mıllıardtaǵan somany tóleý týraly sheshim shyǵarǵanyn túsinbeıdi. Olar istiń qaıta qaralýyn talap etedi.
