مەملەكەت باسشىسى ق. توقاەۆ covid-19 ىندەتىن جۇقتىرعان تىلەۋحاننىڭ جاعدايىنا الاڭداۋشىلىق ءبىلدىرىپ، حالىقتى كارانتين شارالارىن مۇقيات ساقتاۋعا شاقىردى.
«بەلگىلى قوعام قايراتكەرى، قازاقتىڭ ۇلتتىق ونەرىنىڭ مايتالمانى بەكبولات تىلەۋحانعا ىندەتتەن تەزىرەك ساۋىعىپ شىعۋىن تىلەيمىن. بارلىق ازاماتتاردى دەرتتەن ساقتانىپ، كارانتين تالاپتارىنا مۇقيات بولۋعا شاقىرامىن» دەپ جازدى ول تۆيتتەر پاراقشاسىندا.
ەسكە سالا كەتسەك، كەشە بەكبولات تىلەۋحاننىڭ اۋىرىپ قالعانى جونىندە حابارلانعان.
ال كەشكىلىك كتك ارناسىنان جاڭا دەرەكتەر حابارلاندى. وندا بەكبولات تىلەۋحاننىڭ كوروناۆيرۋسپەن اۋىرعانىنا 10 كۇن بولعانى، قازىردىڭ وزىندە ونىمەن بايلانىستا بولعان بەس ادامنان ىندەتتىڭ بەلگىلەرى انىقتالعان ەكەن. تۋىستارى مەن جانىندا جۇرگەن كومەكشىلەرىنىڭ بارلىعى تەست تاپسىرۋعا كوشكەن. سونداي-اق، اتالعان جايتكە بايلانىستى ءماجىلىس ۇيىندەگىلەردىڭ الاڭداۋىنا نەگىز جوقتىعى ايتىلعان.
ءماجىلىستىڭ ءباسپاسوز قىزمەتى:
-
قازىر دەپۋتات بەكبولات تىلەۋحاننان كوروناۆيرۋس ينفەكتسياسى انىقتالىپ، ول قاجەتتى ەمدەۋ كۋرسىن قابىلداپ جاتىر. دەپۋتات وسىعان دەيىن قاشىقتان جۇمىس ىستەۋ رەجيمىندە بولعان. بۇگىنگى تاڭدا دەپۋتاتتىق كورپۋستان دا، اپپارات قىزمەتكەرلەرىنەن دە اتالعان اۋرۋ بەلگىلەرى انىقتالعان جوق
"ادىرنا" ۇلتتىق پورتالى
