قاسىم-جومارت توقاەۆ توكيو وليمپياداسىنان ساباق الۋ كەرەگىن ايتتى. بۇل تۋرالى پرەزيدەنت Twitter جەلىسىندە جازدى.
«ۇلتتىق قۇرامنىڭ وليمپياداداعى كورسەتكىشى سپورت سەكىلدى اسا ماڭىزدى سالادا شۇعىل ءارى ءتيىمدى رەفورمالار جۇرگىزۋ قاجەت ەكەنىن كورسەتتى. بۇقارالىق جانە بالالار سپورتىن دامىتۋعا كوڭىل ءبولىپ، سول ارقىلى الەمدىك ارەنادا ۇلكەن تابىستارعا قول جەتكىزۋگە ۇمتىلۋ قاجەت»، - دەدى پرەزيدەنت.
الايدا، ونىڭ ايتۋىنشا، 8 قولا مەدال الىپ، جالپى كوماندالىق ەسەپتە 83-ورىنعا تابان تىرەگەن ۇلتتىق قۇرامانىڭ بۇل كورسەتكىشى قازاقستاننىڭ سپورتتاعى الەۋەتىنە جانە مەملەكەت تاراپىنان سپورتتى دامىتۋعا ءبولىنىپ وتىرعان مول قاراجاتقا سايكەس كەلمەيدى.
«توكيودا وتكەن وليمپيادا ويىندارىنا قازاقستاننان 93 سپورتشى قاتىستى. جەڭىسكە جەتۋ جولىندا بار كۇش-جىگەرى مەن شەبەرلىگىن كورسەتكەن اتلەتتەرگە العىسىمدى بىلدىرەمىن. وليمپيادانىڭ قولا جۇلدەگەرلەرىن قۇتتىقتايمىن. بۇل ۇزاق ۋاقىت بويى جۇرگىزگەن تاباندى جاتتىعۋلاردىڭ جاقسى ناتيجەسى.
توكيو وليمپياداسىنان ساباق الىپ، پاريجدە وتەتىن كەلەسى ويىنداردا حالىق ءۇمىتىن اقتايتىنداي ناتيجەگە قول جەتكىزۋ كەرەك»، - دەدى ول.
