تۋريستەر ءتۇرلى ەلدەردى ارالاعان كەزدە، ولاردىڭ مادەنيەتىنە تاڭ قالىپ جاتادى. ءتىپتى بۇل مەملەكەتتەردىڭ زاڭعا قايشى دۇنيەلەرىن بىلمەي، جازاعا ۇشىرايتىندارى دا بار. سول سەبەپتى ساياحاتتاۋ بارىسىندا كەلەڭسىزدىكتەرگە ۇشىراماۋ ۇشىنالەم ەلدەرىنىڭ تاڭ قالدىرارلىق تىيىمدارىن ءبىلىپ الۋعا كەڭەس بەرەمىز.
كوك دجينسى كيۋگە تىيىم سالىنعان
ەگەر ءسىز سولتۇستىك كورەياعا باراتىن بولساڭىز، كيىم تاڭداۋدا وتە اباي بولىڭىز. بارلىق ادامدارعا ۇنايتىن كوك دجينسىگە بۇل ەلدە تىيىم سالىنعان. ۇكىمەت ونى باتىستىق تەندەنتسيالاردى بەينەلەيدى دەپ سانايدى. تىيىمنىڭ بۇزىلۋى جەرگىلىكتى تۇرعىننىڭ ەڭبەك لاگەرىندە جۇمىس جاساۋىنا اكەلەدى. سەنۋ قيىن، بىراق سولتۇستىك كورەيا شاش ۇلگىسىنە دە اسا نازار اۋدارادى. ەلدە ەرلەرگە 10, ايەلدەرگە 18 ءتۇرلى شاش ۇلگىسىنىڭ نۇسقاسىن جاساۋ رۇقسات ەتىلگەن.
ساعىز شايناي المايسىز
ەگەر سىزگە سولتۇستىك كورەياعا بارۋ قيىن بولسا، سينگاپۋرگە ساياحات جاساپ كورۋىڭىزگە بولادى. ەڭ باستىسى، بۇل مەملەكەتتە تۋريستەردىڭ ءاميانىنا ۇلكەن ماسەلە تۋدىرۋى مۇمكىن كوپتەگەن تىيىمداردىڭ بار ەكەنىن ۇمىتپاڭىز. سينگاپۋردە 1998 جىلى ساعىزعا تىيىم سالىندى. ءسىز ونى يمپورتتاي المايسىز. ەلدە ساعىزدى شايناۋعا جانە ونى كوشەگە تۇكىرۋگە بولمايدى.
"كيندەر-سيۋرپريز" جەمەڭىز
"كيندەر-ءسيۋرپريزدى" ۇناتاسىزبا؟ اقش-تا «Kinder Surprise» بالالارعا ارنالعان تاتتىلەرىن اكەلۋگە جانە ساتۋعا تىيىم سالىنعان. امەريكالىقتار ءۇشىن بارلىق تالاپتارعا ساي كەلەتىن «كيندەر دجوي» ءتاتتىسى بار. ايتپاقشى، Kinder جۇمىرتقالارىن اكەلگەنىڭىز ءۇشىن 2500 دوللار كولىمىندە ايىپپۇل تولەيتىنىڭىزدى ۇمىتپاڭىز.
ويىن ويناۋعا بولمايدى
گرەتسيادا كومپيۋتەرلىك ويىنداردى ويناۋدا اباي بولىڭىز. بۇل ەلدە كەز-كەلگەن ەلەكتروندى ويىن تۇرلەرىنە تىيىم سالىنعان. مۇنداي تىيىم قۇمار ويىندارىنا بايلانىستى ەنگىزىلدى. بىراق زاڭ قاي ويىننىڭ قۇمار ويىنى بولىپ سانالاتىنىن رەتتەمەدى. تۋريستتەر بىلمەستىكتەن زاڭدى بۇزىپ جاتادى. ەسىڭىزدە بولسىن، ويىن ويناعانىڭىز ءۇشىن تۇرمەگە جابىلۋىڭىز ابدەن مۇمكىن.
جارىق شامىن اۋىستىرماڭىز
اۆستراليانىڭ ۆيكتوريا شتاتىندا تۇرمىستىق جۇمىستاردى جاساۋ كەزىندە اسا مۇقيات بولۋ كەرەك. مىسالى، سىزدە ەلەكتريك ليتسەنزياسى بولماسا، شامدى ءوزىڭىز اۋىستىرا المايسىز. زاڭعا باعىنباساڭىز، 10 اۆستراليالىق دوللار (شامامەن 2500 تەڭگە ) ايىپپۇل تولەيسىز.
ولۋگە تىيىم سالىنعان
جارىق شامىن اۋىستىرۋدى قويشى، كەيبىر ەلدەردە قايتىس بولۋعا تىيىم سالىنعان. ءيا، ءوزىڭىز قالاعان نارسەنى جاساڭىز، تەك بۇل جەردە ولمەڭىز. مۇنداي زاڭ فرانتسيانىڭ وڭتۇستىگىندەگى لە-لاۆاندۋ، سارپۋر، كۋنحو كوممۋنالارىندا، يسپانياداعى لانجارون مەن نورۆەگيالىق لونگيردە قولدانىلادى. بۇل تىيىمدار زيراتتاردىڭ كوپتىگىمەن، ءارى جەرلەۋ قيىندىقتارىمەن بايلانىستى پايدا بولدى.
سۋ مىلتىعىن قولداڭباڭىز
ءسىز سۋ مىلتىعىنان سۋ شاشىپ ويناعاندى ۇناتاسىز با؟ كامبودجادا مۇنداي ويىنشىقتارمەن كوڭىل كوتەرە المايسىز. 2002 جىلى ەلدە ويىنشىقتاردىڭ وسى ءتۇرىن قولدانۋعا تىيىم سالىندى. زاڭ مەرەكە كەزىندە جازاتايىم وقيعالاردىڭ ءجيى ورىن الۋى سالدارىنان ەنگىزىلدى.
ۇنەمى كۇلىپ ءجۇرىڭىز
يتاليانىڭ ءسان استاناسىندا ەموتسيالارىڭىزعا مۇقيات بولىڭىز. ماسەلەن، ميلاندا مۇنايىپ جۇرۋگە تىيىم سالىنعان. كوڭىل-كۇيى جوق ادامدى اۋرۋحانادان نەمەسە جەرلەۋ راسىمىنەن كورە الاسىز. باسقا قوعامدىق ورىنداردا ءسىز كۇلۋىڭىز كەرەك، ويتكەنى پوليتسيا كوڭىلسىز جۇرگەنىڭىز ءۇشىن ايىپپۇل سالا الادى.
سارى ءتۇستى كيىم كيمەڭىز
مالايزيا ەلىندە كيىم ءتۇسىن تاڭداۋ بارىسىناساق بولۋ كەرەك. بۇل ەلدە سارى تۇسكە تىيىم سالىنعان. ەگەر ءسىز سارى ءتۇستى كيىم كيسەڭىز، ايىپپۇلمەن جازالاناسىز. بۇل زاڭدى ىشكى ىستەر ءمينيسترى حيشامۋددين حۋسەين قابىلدادى. ول وپپوزيتسيا تاراپىنىڭ ەلدە «سارى» ميتينگتەر وتكىزۋىنە بايلانىستى پايدا بولدى.
قۇرمەتتى وقىرمان، جوعارىدا كورسەتىلگەندەي تاڭقالارلىق زاڭدار ءالى دە وتە كوپ! شەتەلگە بارماس بۇرىن، سول مەملەكەتتەردىڭ تىيىمدارىن مۇقيات وقىپ، زەردەلەۋگە كەڭەس بەرەمىز.
دايىنداعان ديانا اسانوۆا
