رەسەيدەگى بايكال كولىندا قايعىلى وقيعا سالدارىنان 8 ادام كوز جۇمدى، دەپ حابارلايدى "ادىرنا" ۇلتتىق پورتالى ريا-عا سىلتەپ.
وقيعا 20 اقپان كۇنى بولعان. الدىن الا مالىمەت بويىنشا، كولىك جۇرگىزۋشىسى يركۋت وبلىسىنداعى حۋجير ەلدى مەكەنىندەگى دەمالىس بازاسىنان شىعىپ، تۋريستەردى حوبوي مۇيىسىنە قاراي مۇز ۇستىمەن الىپ بارا جاتقان. جولدا كەلە جاتقاندا «ۋاز» اۆتوكولىگى مۇز ويىعىنا ءتۇسىپ كەتكەن.
سالدارىنان 7 تۋريست پەن 44 جاستاعى جۇرگىزۋشى قازا تاپتى. قۇرباندار اراسىندا 2013 جىلى تۋعان بالا دا بار. ءبىر جولاۋشى عانا امان قالىپ، كولىكتەن شىعىپ ۇلگەرگەن.
يركۋت وبلىسىنىڭ گۋبەرناتورى قازا تاپقانداردىڭ اراسىندا قىتايدان بارعان ءبىر وتباسى بار ەكەنىن حابارلاعان. ەرلى-زايىپتىلار مەن 14 جاستاعى بالاسى، تۋىسى بولعان. تۋريستەر ساپاردى تۋروپەراتور ارقىلى راسىمدەمەي، جۇرگىزۋشىمەن تىكەلەي كەلىسىم جاساعان.
الدىن الا دەرەك بويىنشا، كولىك ەنى شامامەن 3 مەتر بولاتىن مۇز جارىلىسىنا ءتۇسىپ كەتكەن. وقيعا بولعان جەردىڭ تەرەڭدىگى 18 مەترگە جەتەدى.
قازىر امان قالعان جولاۋشى دەمالىس بازاسىندا.
