الماتى تاۋلارىندا تۋريست قار كوشكىنىنىڭ استىندا قالدى

الماتى تاۋلارىندا قار استىندا قالعان ءتۋريستىڭ دەنەسى تابىلدى. بۇل تۋرالى تجم جازدى، دەپ حابارلايدى «ادىرنا» ءتىلشىسى.

قايعىلى وقيعا 22 قاڭتاردا مەدەۋ اۋدانىنىڭ تيتوۆ اسۋىندا 3400 مەتر بيىكتىكتە بولعان. مينيسترلىك مالىمەتىنشە، 4 ادامنان تۇراتىن ەكى تۋريست قار استىندا كالىپ قويعان. ولاردىڭ بىرەۋى ءوز كۇشىمەن شىعا العان.

«وقيعا ورنىنا الماتى قالاسى تجد 23-امبەباپ قۇتقارۋ بولىمشەسىنىڭ قۇتقارۋشىلارى، «بارىس» رمم قىزمەتكەرلەرى، كينولوگيالىق جاساق پەن ەرىكتىلەر دەرەۋ جىبەرىلدى. ىزدەستىرۋ-قۇتقارۋ وپەراتسياسى بارىسىندا ۇشقىشسىز ۇشۋ اپپاراتى قولدانىلدى.
جۇرگىزىلگەن جۇمىستاردىڭ ناتيجەسىندە قاردىڭ استىنان قازا تاپقان ادامنىڭ دەنەسى شىعارىلدى. وقيعا ورنىندا پوليتسيا قىزمەتكەرلەرى مەن قۇتقارۋ قىزمەتىنىڭ پسيحولوگتارى جۇمىس ىستەدى»،-دەلىنگەن حابارلامادا.