قر ۇكىمەتىنىڭ وتىرىسىندا قارجى ءمينيسترى ءاليحان سمايىلوۆ 2020 جىلعى قاڭتار-اقپانداعى مەملەكەتتىك بيۋدجەتتىڭ اتقارىلۋ قورىتىندىلارى تۋرالى ەسەپ بەردى.
ايتۋىنشا، مەملەكەتتىك بيۋدجەتتىڭ كىرىستەرى ەسەپتىلىك كەزەڭنىڭ جوسپارى 97,3%-كە ورىندالعان. ولاردىڭ ىشىندە رەسپۋبليكالىق كىرىستەر – 83%-كە، جەرگىلىكتى بيۋدجەتتەر – 145,3%-كە ورىندالعان.
قىتايدان كەلەتىن يمپورتتىڭ كولەمى 2019 جىلدىڭ اقپانىمەن سالىستىرعاندا 11 %-كە، ال فيزيكالىق كولەمى 27 %-كە تومەندەگەن. ناتيجەسىندە، قىتايدان كەلەتىن يمپورتتىق تاۋارلاردان تۇسەتىن كەدەندىك باجدار مەن سالىقتاردىڭ كولەمى 12%-كە، ياعني، 2,1 ملرد.تەڭگەگە ازايعان. سالىستىرا كەتسەك، 2019 جىلعى اقپاندا 17 ملرد.تەڭگە بولسا، 2020 جىلدىڭ اقپانىندا 15 ملرد. تەڭگەگە ارزانداعان.
"قىتايدان كەلەتىن اۆتوكولىكتەر 24 پايىزعا، ال تەمىر جول قاتىناسى 14 پايىزعا، ەۋرازيالىق ەكونوميكالىق وداقتان يمپورتتالاتىن اۆتوكولىكتىڭ سانى دا 20%-عا ازايعان. سونداي-اق، ەلدەگى 18 ەكىنشى دەڭگەيلى بانكىڭ تۇسىمدەرى 56%-عا ازايدى", - دەدى مينسيتر.
مەملەكەتتىك بيۋدجەت شىعىستارى 96,5%-عا، ونىڭ ىشىندە رەسپۋبليكالىق بيۋدجەت 97,1%-عا، جەرگىلىكتى بيۋدجەتتەر 96,9%-عا ورىنداعان. ال رەسپۋبليكالىق بيۋدجەتتىڭ شىعىسى 2 ترلن. 102 ملرد.تەڭگەنى بولدى.
قانشا قارجى يگەرىلمەي قالدى؟
قارجى ءمينيسترىنىڭ ەسەبىنشە، ۇلتتىق ەكونوميكا مينيسترلىگى 15,6 ملرد.تەڭگە، ۇلتتىق قاۋىپسىزدىك كوميتەتى 8,3 ملرد.تەڭگە، ءبىلىم جانە عىلىم مينيسترلىگى 4,7 ملرد. تەڭگە، ادىلەت مينيسترلىگى 4,6 ملرد.تەڭگە، مادەنيەت جانە سپورت مينيسترلىگى 4,2 ملرد.تەڭگە، ىشكى ىستەر مينيسترلىگى 3,3 ملرد.تەڭگە يەگەرمەگەن. ولاردىڭ سەبەبىن كرەديتتىك شارتتارعا كەش قول قويىلماۋىمەن، ورىندالعان جۇمىستاردىڭ اكتىسىن ۋاقىتىلى بەرىلمەۋىمەن، كونكۋرستاردىڭ ۇزاق وتكىزىلۋىمەن جانە نورماتيۆتىك قۇقىقتىق اكتىلەردىڭ ۋاقىتىندا قابىلدانباۋىمەن ءتۇسىندىردى.
"ادىرنا" ۇلتتىق پورتالى
