Ulttyq ekonomıka mınıstrligi qarjy ıgermeýden kósh bastap tur

494

QR Úkimetiniń otyrysynda Qarjy mınıstri Álıhan Smaıylov 2020 jylǵy qańtar-aqpandaǵy memlekettik bıýdjettiń atqarylý qorytyndylary týraly esep berdi.

Aıtýynsha, memlekettik bıýdjettiń kiristeri eseptilik kezeńniń jospary 97,3%-ke oryndalǵan. Olardyń ishinde respýblıkalyq kirister – 83%-ke, jergilikti bıýdjetter – 145,3%-ke oryndalǵan.

Qytaıdan keletin ımporttyń kólemi 2019 jyldyń aqpanymen salystyrǵanda 11 %-ke, al fızıkalyq kólemi 27 %-ke tómendegen. Nátıjesinde, Qytaıdan keletin ımporttyq taýarlardan túsetin kedendik bajdar men salyqtardyń kólemi 12%-ke,  ıaǵnı, 2,1 mlrd.teńgege azaıǵan. Salystyra ketsek, 2019 jylǵy aqpanda  17 mlrd.teńge bolsa, 2020 jyldyń aqpanynda 15 mlrd. teńgege arzandaǵan.

"Qytaıdan keletin avtokólikter 24 paıyzǵa, al temir jol qatynasy 14 paıyzǵa,  Eýrazııalyq ekonomıkalyq odaqtan ımporttalatyn avtokóliktiń sany da 20%-ǵa azaıǵan. Sondaı-aq, eldegi 18 ekinshi deńgeıli bankiń túsimderi  56%-ǵa azaıdy", - dedi mınsıtr.

Memlekettik bıýdjet shyǵystary 96,5%-ǵa, onyń ishinde  respýblıkalyq bıýdjet 97,1%-ǵa, jergilikti bıýdjetter 96,9%-ǵa oryndaǵan. Al respýblıkalyq bıýdjettiń shyǵysy 2 trln. 102 mlrd.teńgeni boldy.

Qansha qarjy ıgerilmeı qaldy?

Qarjy mınıstriniń esebinshe, Ulttyq ekonomıka mınıstrligi 15,6 mlrd.teńge, Ulttyq qaýipsizdik komıteti  8,3 mlrd.teńge, Bilim jáne ǵylym mınıstrligi 4,7 mlrd. teńge, Ádilet mınıstrligi  4,6 mlrd.teńge, Mádenıet jáne sport mınıstrligi  4,2 mlrd.teńge, Ishki ister mınıstrligi  3,3 mlrd.teńge ıegermegen. Olardyń sebebin kredıttik sharttarǵa kesh qol qoıylmaýymen, oryndalǵan jumystardyń aktisin ýaqytyly berilmeýimen, konkýrstardyń uzaq ótkizilýimen jáne normatıvtik quqyqtyq aktilerdiń ýaqytynda qabyldanbaýymen túsindirdi.

"Adyrna" ulttyq portaly

Pikirler