قالادا كاسىپورىن, مەكەمەلەر مەن ساۋدا ورىندارىنىڭ جۇمىس ۋاقىتىنا وزگەرىس ەنگىزىلدى. سونداي-اق, بەتپەردەسىز جولاۋشىلاردى قوعامدىق كولىكتەرگە وتىرعىزبايدى. قالانىڭ باس سانيتار دارىگەرى ءابدىماناپ تولەباەۆتىڭ قاۋلىسىمەن، شىمكەنتتەگى كارانتين مەرزىمى مەن شەكتەۋ شارالارىنىڭ مەرزىمى 8 ماۋسىمنان 22 ماۋسىمعا دەيىن ۇزارتىلدى، دەپ حابارلايدى «ادىرنا» ۇلتتىق پورتالى sputniknews.kz سايتىنا سىلتەمە جاساپ.
قالادا قانداي شەكتەۋلەر ەنگىزىلدى
- تۇرعىنداردان قوعامدىق ورىندار مەن قالالىق قوعامدىق كولىكتەردە جانە قىزمەتى رۇقسات ەتىلگەن نىسانداردا بەتپەردەلەر مەن قولعاپتار كيىپ ءجۇرۋ تالاپ ەتىلەدى;
- اسا زارۋلىك تۋىنداماعان جاعدايدا قالا ىشىندە ەركىن قوزعالىستى شەكتەۋ;
- بەتپەردەسىز جولاۋشىلار قوعامدىق كولىكتەرگە وتىرعىزىلمايدى;
- بارلىق بازارلاردىڭ جۇمىس ۋاقىتى ساعات 06.00-دەن ساعات 19.00-گە دەيىن شەكتەلەدى;
- قوعامدىق تاماقتانۋ ورىندارىنىڭ جۇمىس ۋاقىتى 23.00-گە دەيىن بەكىتىلدى;
- ساۋدا-ويىن ورتالىقتارى مەن ونىڭ اۋماعىندا ورنالاسقان كينوتەاترلار، بالالاردىڭ ويىن الاڭدارى، مۇز الاڭدارى مەن باتۋت جانە فۋدكورتتاردىڭ اشىلۋىنا ءالى دە تيىم سالىندى;
- شومىلۋ مەن دەمالىس ورىندارىندا ادامداردىڭ شوعىرلانۋىنا جول بەرمەۋ بويىنشا شارالار قابىلداۋ مىندەتتەلدى.
