Qalada kásiporyn, mekemeler men saýda oryndarynyń jumys ýaqytyna ózgeris engizildi. Sondaı-aq, betperdesiz jolaýshylardy qoǵamdyq kólikterge otyrǵyzbaıdy. Qalanyń bas sanıtar dárigeri Ábdimanap Tólebaevtyń qaýlysymen, Shymkenttegi karantın merzimi men shekteý sharalarynyń merzimi 8 maýsymnan 22 maýsymǵa deıin uzartyldy, dep habarlaıdy «Adyrna» ulttyq portaly sputniknews.kz saıtyna silteme jasap.
Qalada qandaı shekteýler engizildi
- Turǵyndardan qoǵamdyq oryndar men qalalyq qoǵamdyq kólikterde jáne qyzmeti ruqsat etilgen nysandarda betperdeler men qolǵaptar kıip júrý talap etiledi;
- Asa zárýlik týyndamaǵan jaǵdaıda qala ishinde erkin qozǵalysty shekteý;
- Betperdesiz jolaýshylar qoǵamdyq kólikterge otyrǵyzylmaıdy;
- Barlyq bazarlardyń jumys ýaqyty saǵat 06.00-den saǵat 19.00-ge deıin shekteledi;
- Qoǵamdyq tamaqtaný oryndarynyń jumys ýaqyty 23.00-ge deıin bekitildi;
- Saýda-oıyn ortalyqtary men onyń aýmaǵynda ornalasqan kınoteatrlar, balalardyń oıyn alańdary, muz alańdary men batýt jáne fýdkorttardyń ashylýyna áli de tıym salyndy;
- Shomylý men demalys oryndarynda adamdardyń shoǵyrlanýyna jol bermeý boıynsha sharalar qabyldaý mindetteldi.
