بۇگىن اقپاراتتىق-كوممۋنيكاتسيالىق ورتالىعىندا قازنەتتە قىزۋ تالقىلانىپ جاتقان قىسقا مەتراجدى بەينەروليككە بايلانىستى بريفينگ ءوتتى. ءباسپاسوز ماجىلىسىنە شىمكەنت قالاسى اكىمىنىڭ ورىنباسارى الماسبەك مامىتبەكوۆ، شىمكەنت قالاسى وتباسى، بالالار جانە جاستار ءىسى جونىندەگى باسقارماسىنىڭ باسشىسى جاندوس قالتاەۆ جانە «TALAS FILM» كينوستۋدياسىنىڭ ديرەكتورى، رەجيسسەر سەرىك تالاسوۆ قاتىستى.
قالا اكىمىنىڭ ورىنباسارى ا.مامىتبەكوۆتىڭ ايتۋىنشا، قالالىق وتباسى، بالالار جانە جاستار ءىسى جونىندەگى باسقارماعا بەينەروليكتەر جاساۋ بويىنشا 8 ملن.تەڭگە قاراستىرىلعان.
– مەملەكەتتىك ساتىپ الۋ كونكۋرسىندا بەس بەينەروليك پەن بەس ستسەناري بويىنشا 6,2 ملن.تەڭگە ۇتىپ العان. قازىرگى تاڭدا ورىنداۋشىعا 3 ملن.تەڭگە اۋدارىلعان. ونىڭ ىشىندە ءبىر بەينەروليكتى جاساۋ ءۇشىن 1 ملن 250 مىڭ، 2,5 ملن.تەڭگە 2 بەينەروليكتى دايىنداۋعا جانە 5 ستسەناري بويىنشا 3 ملن.تەڭگە اۋدارىلعان. اتالعان بەينەروليكتەردىڭ ماقساتى جاستاردى پاتريوتتىق رۋحقا تاربيەلەۋ، بوس ۋاقىتىن ءتيىمدى وتكىزۋ جانە ۇلتتىق سالت-ءداستۇردى دارىپتەۋگە باعىتتالعان. جالپى قالا اكىمى الەۋمەتتىك جەلىلەردە قىزۋ تالقىلانىپ جاتقان بەينەروليك جونىندە حاباردار. مۇرات دۇيسەنبەكۇلى ارنايى تاپسىرما بەرىپ، بۇگىندە تەكسەرۋ جۇمىستارى جۇرگىزىلۋدە. تەكسەرۋ قورىتىندىلارىن الداعى ۋاقىتتا ارنايى جاريالايمىز. ال ماقساتتى بەينەروليكتەردى دايىنداۋ بارىسىندا زاڭ اياسىندا ونى باقىلاۋعا الۋدى جوسپارلاپ وتىرمىز، – دەدى قالا اكىمىنىڭ ورىنباسارى ا.مامىتبەكوۆ.
شىمكەنت قالاسى وتباسى، بالالار جانە جاستار ءىسى جونىندەگى باسقارماسىنىڭ باسشىسى جاندوس قالتاەۆتىڭ مالىمدەۋىنشە، الەۋمەتتىك جەلىلەردە ءجيى تالقىلانىپ جاتقان بەينەروليككە جەرگىلىكتى بيۋدجەتتەن قارجى قارالماعان. «TALAS FILM» كينوستۋدياسىمەن ارىپتەستىك مەموراندۋم جاسالعانىمەن، اتالعان بەينەروليكتى ءتۇسىرۋ تۋرالى ناقىت كەلىسىم بولماعان. ياعني، جاستار رەسۋرستىق ورتالىعى تاراپىنان روليكتىڭ ستسەناريى بەكىتىلمەگەن.
– جاستار رەسۋرستىق ورتالىعى عيماراتىندا بىرقاتار ۇيىمدار مەن ءتۇرلى شىعارماشىلىق بىرلەستىكتەردىڭ كەڭسەلەرى ورنالاسقان. ونىڭ ىشىندە «TALAS FILM» كينوستۋدياسى دا بار. بۇعان دەيىن اتالعان كينوستۋديا ناسيحاتتىق روليكتەر ءتۇسىرۋ كەزىندە ورتالىقتىڭ لوگوتيپىن پايدالانىپ وتىرعان. بۇل روليككە مەملەكەت تاراپىنان قاراجات بولىنگەن جوق. ول روليك «TALAS FILM» كينوستۋدياسىندا ءوز قاراجاتتارىنا تۇسىرىلگەن. ءبىر ايتا كەتەرلىگى، روليكتىڭ سوڭىندا «قولداۋ بىلدىرەدى» دەگەن ءسوزدىڭ ورنىنا «تاپسىرىس بەرەدى» دەپ جازىلىپ كەتكەن. بۇل ولقىلىقتى بايقاعان سوڭ، ورتالىقتىڭ لوگوتيپىن الدىرىپ تاستادىق. وسى سەكىلدى باسقا دا ماتەريالداردىڭ تارالماۋىن قاتاڭ باقىلاۋعا الامىز. ءبىز ايەلدەردىڭ قۇقىقتارىن، وتباسىلىق قۇندىلىقتاردى، بالالار مەن جاستاردىڭ قۇقىقتارىن قورعاۋدى دارىپتەپ، سايكەسىنشە، ەشقانداي جاعدايدا دا جەكە الىنعان ادامنىڭ سىرت الپەتىنە قاراپ كەمسىتۋگە جول بەرمەيمىز، – دەدى ج.قالتاەۆ.
سونداي-اق، بريفينگتە رەجيسسەر س.تالاسوۆ اتالعان بەينەروليك جايلى ءوز ويىن ءبىلدىردى.
– بەينەروليكتە قاتەلىك بار شىعار. بىراق ءبىزدىڭ تۇپكى ماقسات – قازاقتىڭ ۇلتتىق تəربيەسىن ساقتاپ قالۋ. ياعني، بەينەروليك وسى ماقساتپەن تۇسىرىلگەن. "تəربيە تال بەسىكتەن". ءوزىمنىڭ ءوسىرىپ وتىرعان ءۇش قىزىم بار. ولاردىڭ كەلەشەگى مەنى الاڭداتادى. سول سەبەپتى قوعامنىڭ وسىنداي كەيبىر كەلەڭسىز تۇستارىن اشىق كورسەتە وتىرىپ، قاز قالپىندا جەتكىزگىمىز كەلدى، – دەدى س.تورەبەكۇلى.
شىمكەنت قالاسى
فوتو: ا.ءاسساندي
