Búgin aqparattyq-kommýnıkaııalyq ortalyǵynda Qaznette qyzý talqylanyp jatqan qysqa metrajdy beınerolıkke baılanysty brıfıng ótti. Baspasóz májilisine Shymkent qalasy ákiminiń orynbasary Almasbek Mamytbekov, Shymkent qalasy Otbasy, balalar jáne jastar isi jónindegi basqarmasynyń basshysy Jandos Qaltaev jáne «TALAS FILM» kınostýdııasynyń dırektory, rejısser Serik Talasov qatysty.
Qala ákiminiń orynbasary A.Mamytbekovtyń aıtýynsha, qalalyq Otbasy, balalar jáne jastar isi jónindegi basqarmaǵa beınerolıkter jasaý boıynsha 8 mln.teńge qarastyrylǵan.
– Memlekettik satyp alý konkýrsynda bes beınerolık pen bes senarıı boıynsha 6,2 mln.teńge utyp alǵan. Qazirgi tańda oryndaýshyǵa 3 mln.teńge aýdarylǵan. Onyń ishinde bir beınerolıkti jasaý úshin 1 mln 250 myń, 2,5 mln.teńge 2 beınerolıkti daıyndaýǵa jáne 5 senarıı boıynsha 3 mln.teńge aýdarylǵan. Atalǵan beınerolıkterdiń maqsaty jastardy patrıottyq rýhqa tárbıeleý, bos ýaqytyn tıimdi ótkizý jáne ulttyq salt-dástúrdi dáripteýge baǵyttalǵan. Jalpy qala ákimi áleýmettik jelilerde qyzý talqylanyp jatqan beınerolık jóninde habardar. Murat Dúısenbekuly arnaıy tapsyrma berip, búginde tekserý jumystary júrgizilýde. Tekserý qorytyndylaryn aldaǵy ýaqytta arnaıy jarııalaımyz. Al maqsatty beınerolıkterdi daıyndaý barysynda zań aıasynda ony baqylaýǵa alýdy josparlap otyrmyz, – dedi qala ákiminiń orynbasary A.Mamytbekov.
Shymkent qalasy Otbasy, balalar jáne jastar isi jónindegi basqarmasynyń basshysy Jandos Qaltaevtyń málimdeýinshe, áleýmettik jelilerde jıi talqylanyp jatqan beınerolıkke jergilikti bıýdjetten qarjy qaralmaǵan. «TALAS FILM» kınostýdııasymen áriptestik memorandým jasalǵanymen, atalǵan beınerolıkti túsirý týraly naqyt kelisim bolmaǵan. Iaǵnı, Jastar resýrstyq ortalyǵy tarapynan rolıktiń senarıi bekitilmegen.
– Jastar resýrstyq ortalyǵy ǵımaratynda birqatar uıymdar men túrli shyǵarmashylyq birlestikterdiń keńseleri ornalasqan. Onyń ishinde «TALAS FILM» kınostýdııasy da bar. Buǵan deıin atalǵan kınostýdııa nasıhattyq rolıkter túsirý kezinde ortalyqtyń logotıpin paıdalanyp otyrǵan. Bul rolıkke memleket tarapynan qarajat bólingen joq. Ol rolık «TALAS FILM» kınostýdııasynda óz qarajattaryna túsirilgen. Bir aıta keterligi, rolıktiń sońynda «qoldaý bildiredi» degen sózdiń ornyna «tapsyrys beredi» dep jazylyp ketken. Bul olqylyqty baıqaǵan soń, ortalyqtyń logotıpin aldyryp tastadyq. Osy sekildi basqa da materıaldardyń taralmaýyn qatań baqylaýǵa alamyz. Biz áıelderdiń quqyqtaryn, otbasylyq qundylyqtardy, balalar men jastardyń quqyqtaryn qorǵaýdy dáriptep, sáıkesinshe, eshqandaı jaǵdaıda da jeke alynǵan adamnyń syrt álpetine qarap kemsitýge jol bermeımiz, – dedi J.Qaltaev.
Sondaı-aq, brıfıngte rejısser S.Talasov atalǵan beınerolık jaıly óz oıyn bildirdi.
– Beınerolıkte qatelik bar shyǵar. Biraq bizdiń túpki maqsat – qazaqtyń ulttyq tərbıesin saqtap qalý. Iaǵnı, beınerolık osy maqsatpen túsirilgen. "Tərbıe tal besikten". Ózimniń ósirip otyrǵan úsh qyzym bar. Olardyń keleshegi meni alańdatady. Sol sebepti qoǵamnyń osyndaı keıbir keleńsiz tustaryn ashyq kórsete otyryp, qaz qalpynda jetkizgimiz keldi, – dedi S.Tórebekuly.
Shymkent qalasy
Foto: A.Ássandı
