امەريكا قۇراما شتاتتارىنداعى كەيبىر قالالاردا نارازىلىق اكتسياسى ءوتىپ جاتقانى بەلگىلى. ۆاشينگتون قىتايدى وسى نارازىلىق اكتسيالارىن ءوزىنىڭ ساياسي مۇددەسىنە پايدالاندى دەپ ايىپتاۋدا. بۇل تۋرالى اقش-تىڭ مەملەكەتتىك حاتشىسى مايك پومپەو ءوزىنىڭ تۆيتتەرىندە جازدى دەپ حابارلايدى «ادىرنا» ۇلتتىق پورتالى lenta.ru سايتىنا سىلتەمە جاساپ.
« دجوردج فلويدتىڭ قايعىلى ءولىمىن قىتاي كوممۋنيستىك پارتياسى وزدەرىنىڭ ساياسي مۇددەلەرى ءۇشىن پايدالانۋعا ارەكەت جاسادى. الايدا ول ءساتسىز بولدى. بەيجىڭ ىڭعايلى ساتتەردى پايدالانۋدا. اقش وسى ءبىر قيىن كەزەڭدە ەركىندىكتى شەتكە ىسىرىپ قويدى», - دەدى مەملەكەت حاتشىسى .
بۇعان دەيىن دونالد ترامپتىڭ ۇلتتىق قاۋىپسىزدىك ماسەلەلەرى جونىندەگى كەڭەسشىسى روبەرت B'برايەن قىتايلىقتاردىڭ الەۋمەتتىك جەلىلەردەگى جازبالارىنا قاراپ، ولاردىڭ قۇراما شتاتتارداعى «حاوستى» ۇناتقانىن ايتقان بولاتىن.كەڭەسشىنىڭ ايتۋىنشا، مۇنداي بەلسەندىلىك ۇكىمەتتىڭ تىكەلەي ىقپالىنان ورىن العان . قحر-دىڭ سىرتى ىستەر ءمينيسترى چجاو ليتسزيان بۇل ايىپتاۋلاردى نەگىزسىز دەپ تانىدى .
اقش-تاعى جاپپاي نارازىلىقتار 26 - مامىردان باستاپ جالعاسۋدا. ازاماتتار ميننەاپوليس تۇرعىنى بولعان قارا ءناسىلدى كۇزەتشى دجوردج فلويدتىڭ ولىمىنەن كەيىن جاپپاي ميتينگكە شىققان بولاتىن . فلويد پوليتسەيدىڭ تۇنشىقتىرۋى سالدارىنان قايتىس بولدى. قازىرگى تاڭدا قۇقىق قورعاۋ قىزمەتىن كۇشەيتۋ ءۇشىن بىرقاتار قالالاردا ۇلتتىق ۇلاننىڭ بولىمشەلەرى مەن تەحنيكالارى ەنگىزىلدى.
"ادىرنا" ۇلتتىق پورتالى
