تاجىكستاننىڭ سوعدى وبلىسىنداعى پسيحياتريالىق كلينيكادا شامامەن ەلۋ ناۋقاس كوروناۆيرۋس جۇقتىرعان. مەكەمە اكىمشىلىگى بۇنى جوققا شىعارىپ وتىر.
3 ماۋسىمدا پسيحياتريالىق ەمدەۋ مەكەمەسىندە بولعان ادامدار كلينيكاداعى ناۋقاستاردىڭ جارتىسى كوروناۆيرۋس جۇقتىرعانىن وزودي راديوسىنا حابارلادى. دالەل رەتىندە ولار اۋديوتاسپا ۇسىندى. وندا كلينيكا دارىگەرلەرى ەلۋ ناۋقاس COVID-19 ۆيرۋسىن جۇقتىرعانى تۋرالى ايتقان.
پسيحياتريالىق كلينيكا ديرەكتورى نوديرا سايدوۆا "ناۋقاستاردىڭ كوروناۆيرۋس جۇقتىرعان-جۇقتىرماعانى ازىرگە راستالعان جوق" دەپ جاۋاپ بەردى. ودان سوڭ ديرەكتور ءتىلشى ساۋالدارىنا جاۋاپ بەرۋدەن باس تارتتى.
مەكەمەدەگى ناۋقاستار حۋدجاند اۋرۋحاناسىندا تەكسەرىلگەن. ولاردىڭ ەلۋى كوروناۆيرۋس جۇقتىرعانى انىقتالعان. اۋرۋحانا باسشىلىعى پسيحياتريالىق كلينيكا ناۋقاستارى وسى مەكەمەدە تەكسەرىلگەنىن راستادى، بىراق ولارعا "جوعارى جاقتان كوروناۆيرۋس ستاستيستيكاسى تۋرالى مالىمەت تاراتپاۋ تۋرالى بۇيرىق تۇسكەن".
سentralasian.org
