Tájikstannyń Soǵdy oblysyndaǵy psıhıatrııalyq klınıkada shamamen elý naýqas koronavırýs juqtyrǵan. Mekeme ákimshiligi buny joqqa shyǵaryp otyr.
3 maýsymda psıhıatrııalyq emdeý mekemesinde bolǵan adamdar klınıkadaǵy naýqastardyń jartysy koronavırýs juqtyrǵanyn Ozodı radıosyna habarlady. Dálel retinde olar aýdıotaspa usyndy. Onda klınıka dárigerleri elý naýqas COVID-19 vırýsyn juqtyrǵany týraly aıtqan.
Psıhıatrııalyq klınıka dırektory Nodıra Saıdova "naýqastardyń koronavırýs juqtyrǵan-juqtyrmaǵany ázirge rastalǵan joq" dep jaýap berdi. Odan soń dırektor tilshi saýaldaryna jaýap berýden bas tartty.
Mekemedegi naýqastar Hýdjand aýrýhanasynda tekserilgen. Olardyń elýi koronavırýs juqtyrǵany anyqtalǵan. Aýrýhana basshylyǵy psıhıatrııalyq klınıka naýqastary osy mekemede tekserilgenin rastady, biraq olarǵa "joǵary jaqtan koronavırýs stastıstıkasy týraly málimet taratpaý týraly buıryq túsken".
Sentralasian.org
