شىمكەنتتە اكىمدىك جينالىسى ۇستىندە تۇتقىندالعان ەكس-شەنەۋنىككە قاتىستى الدىن الا سوت تىڭدالىمى ءوتتى، - دەپ حابارلايدى “ادىرنا” ۇلتتىق پورتالى "Otyrar.kz"-كە سىلتەمە جاساپ.
قالالىق تۇرعىن ءۇي باسقارماسى باسشىسىنىڭ مىندەتىن اتقارعان ازات مومىنوۆ بيۋدجەت قارجىسىن جىمقىردى دەگەن كۇدىككە ىلىنگەن.
"تىكەلەي اكىمنىڭ الدىندا ءوتىپ جاتقان جيىندا ۇستاپ الىپ كەتكەن ەدى. بۇل سول كەزدە قوعامدىق رەزونانستار تۋدىردى. قوعامداعى پىكىر 2-گە ءبولىندى. ءبىز بۇگىنگى ولاردى وتە ءبىر ۇلكەن قاتەلىككە ورىن الدىردى دەپ ويلايمىز. الدىن الا "وسىلاي بولادى" دەپ ايتۋ وتە قيىن. ءوزىڭىز ءبىلىپ وتسىز، بۇل جاعداي ۇلكەن قوعامدىق رەزونانس تۋدىرىپ وتىر. ال، قوعامدىق رەزونانس تۋىنداعان قىلمىستىق ىستەردە اقتالىپ جاتقاندار شامالى", - ادۆوكات دەيدى شىمىرباي اعابەكوۆ.
بۇگىنگى تىڭدالىمدا قورعاۋشىلار قىلمىستىق ءىستى قايتا قاراۋ ءۇشىن پروكۋرورعا قايتارۋدى سۇرادى. الايدا سوت ايىپتالۋشى تاراپتىڭ ءوتىنىشىن قاناعاتتاندىرمادى.
اينەل وراقباەۆا، شىمكەنت ق. قىلمىستىق ىستەر جونىندەگى اۋدانارالىق سوتىنىڭ توراعاسى:
"قورعاۋشى ماحانوۆتىڭ قىلمىستى ءىستى قپك 323-بابىنا سايكەس پروكۋرورعا قايتارۋ تۋرالى ءوتىنىش حاتى قاناعاتتاندىرۋسىز قالدىرىلسىن. قاۋلى شاعىم جاساۋعا نەمەسە پروكۋروردىڭ ءوتىنىش حاتى بويىنشا قايتا قارالۋعا جاتپايدى. قاۋلىمەن كەلىسپەۋ تۋرالى دالەلدەر، اپپەلياتسيالىق شاعىم، پروكۋروردىڭ ءوتىنىش حاتىندا نەمەسە سوت اكتىلەرىنىڭ كاساتسيالىق تارتىپپەن قايتا قاراۋ تۋرالى ءوتىنىش حاتى ەنگىزىلۋى مۇمكىن".
ەكى ايىپتالۋشىعا قر قىلمىستىق كودەكستىڭ 189-بابى، ياعني "سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ" دەرەگى بويىنشا كىنا تاعىلىپ وتىر. ال ازات مومىنوۆ بۇل باپپەن قاتار، 218 باپ، ياعني "قىلمىستىق جولمەن الىنعان اقشانى نەمەسە وزگە مۇلىكتى زاڭداستىرۋ" بويىنشا دا تەرگەلىپ جاتىر. ال سوتتىڭ كەلەسى وتىرىسى 23-ءشى شىلدەدە وتەدى دەپ جوسپارلانۋدا.
