كوپىر مەن جول قۇرىلىسى باستى نازاردا

2419
Adyrna.kz Telegram

شىمكەنتتىڭ باس جوسپارىنا سايكەس قالا كوشەلەرىمەن قاتار كوپىرلەرى دە رەتكە كەلتىرىلۋدە. بۇگىن قالا اكىمى مۇرات ايتەنوۆ د.قوناەۆ داڭعىلىمەن جالعاساتىن «بادام» وزەنى ۇستىنەن وتەتىن وتكەلدىڭ قۇرىلىس جۇمىستارىمەن تانىستى.

ۇزىندىعى 100, ەنى 32 مەترلىك كوپىردىڭ قۇرىلىسى قالا اۋماعىنداعى كەپتەلىستىڭ الدىن الۋعا كوپ سەرتىگىن تيگىزەتىن بولادى. جاقىن ارادا پايدالانۋعا بەرىلەتىن نىساننىڭ قۇرىلىسىنا قالا اكىمى وڭ باعاسىن بەردى.

جالپى شاھارداعى جول ساپاسىن دامىتۋ ماقساتىندا 2020 جىلى 256 وبەكتىدە قۇرىلىس-جوندەۋ جۇمىستارىنا رەسپۋبليكالىق جانە جەرگىلىكتى بيۋدجەتتەن 26,9 ملرد. تەڭگە قارالعان.  بۇل 417,3 شاقىرىم جول مەن 7 كوپىر، 2 وتكەل، 1 وڭعا شىعۋ جانە 1 جول وتكەلىن قامتىپ وتىر.

ناتيجەسىندە جىل سوڭىنا دەيىن 240 نىساندى، ياعني، 314,7 شاقىرىم جول مەن 6 كوپىر، 1 جول وتكەلىن پايدالانۋعا بەرۋ جوسپارلانۋدا. سونداي-اق، «جۇمىسپەن قامتۋدىڭ جول كارتاسى» بويىنشا 260 ايالدامانى ورناتۋعا 536,5 ملن. تەڭگە بولىنگەن. وسى باعدارلاما اياسىندا 3119 ادام جۇمىسقا ورنالاستىرىلادى، ونىڭ 1621-ءى جۇمىسپەن قامتۋ ورتالىعى ارقىلى الۋ جوسپارلانعان.

شىمكەنت

پىكىرلەر