Kópir men jol qurylysy basty nazarda

2420
Adyrna.kz Telegram

Shymkenttiń bas josparyna sáıkes qala kóshelerimen qatar kópirleri de retke keltirilýde. Búgin qala ákimi Murat Áıtenov D.Qonaev dańǵylymen jalǵasatyn «Badam» ózeni ústinen ótetin ótkeldiń qurylys jumystarymen tanysty.

Uzyndyǵy 100, eni 32 metrlik kópirdiń qurylysy qala aýmaǵyndaǵy keptelistiń aldyn alýǵa kóp sertigin tıgizetin bolady. Jaqyn arada paıdalanýǵa beriletin nysannyń qurylysyna qala ákimi oń baǵasyn berdi.

Jalpy shahardaǵy jol sapasyn damytý maqsatynda 2020 jyly 256 obektide qurylys-jóndeý jumystaryna respýblıkalyq jáne jergilikti bıýdjetten 26,9 mlrd. teńge qaralǵan.  Bul 417,3 shaqyrym jol men 7 kópir, 2 ótkel, 1 ońǵa shyǵý jáne 1 jol ótkelin qamtyp otyr.

Nátıjesinde jyl sońyna deıin 240 nysandy, ıaǵnı, 314,7 shaqyrym jol men 6 kópir, 1 jol ótkelin paıdalanýǵa berý josparlanýda. Sondaı-aq, «Jumyspen qamtýdyń jol kartasy» boıynsha 260 aıaldamany ornatýǵa 536,5 mln. teńge bólingen. Osy baǵdarlama aıasynda 3119 adam jumysqa ornalastyrylady, onyń 1621-i jumyspen qamtý ortalyǵy arqyly alý josparlanǵan.

Shymkent

Pikirler