شىمكەنت قالاسىندا بيىلعى جىلدىڭ ءتورت ايىندا اۋىل شارۋاشىلىعى ءونىمىنىڭ جالپى كولەمى 7,4 ملرد. تەڭگەنى قۇراپ، بىلتىرعى جىلمەن سالىستىرعاندا ەداۋىر ارتقان. ونىڭ ىشىندە وسىمدىك شارۋاشىلىعى – 1 ميلليارد تەڭگە، مال شارۋاشىلىعى – 6,2 ملرد. تەڭگەنى قۇراعان. وسى ۋاقىت ىشىندە 4 مىڭ توننادان استام ەت، 13,3 توننا ءسۇت جانە 48,6 ملن. دانا جۇمىرتقا ءوندىرىلدى.
مال شارۋاشىلىعىن دامىتىپ، ءونىم كولەمىن ارتتىرۋ ماقساتىندا جالپى سوماسى 2,3 ملرد. تەڭگەنى قۇرايتىن 7 ءىرى ينۆەستيتسيالىق جوبالار جۇزەگە اسىرىلۋدا. ناتيجەسىندە جىل سوڭىندا قوسىمشا 1,5 ملن. ليتر ءسۇت، 40 ملن. دانا جۇمىرتقا، 2,2 مىڭ توننا قۇس ەتى، 2 500 توننا ەت ءوندىرىلىپ، 210 جاڭا جۇمىس ورىندارى اشىلاتىن بولادى.
اتالعان باعىتتاعى جۇمىستاردى جۇرگىزۋگە سۋبسيديالاۋ باعدارلاماسىمەن بيۋدجەتتەن 1140,7 ملن.تگ قارجى قارالعان. وسىنداي مەملەكەتتىك قولداۋعا يە بولعان بىرقاتار شارۋقوجالىقتىڭ جۇمىسىمەن بۇگىن جۋرناليستەر ارنايى بارىپ تانىستى.
باق وكىلدەرى ەڭ الدىمەن تاسساي تۇرعىن الابىندا ورنالاسقان «ككك» جشس ء–نىڭ قۇس فەرماسىن ارالاپ كوردى. كاسىپكەر جەڭىلدەتىلگەن نەسيەنىڭ ارقاسىندا قۇس شارۋاشىلىعىن قولعا الىپ، ونىمدەرىن قايتا وڭدەۋمەن اينالىسۋدا. بۇدان بولەك، ولار جىلىنا 100 توننادان استام بال وندىرەتىن جك «نورمۋحامەدوۆ» شارۋاشىلىعىنا باردى. 2007 جىلدان بال ارا شارۋاشىلىعىن دامىتىپ، اسىلداندىرۋ جۇمىستارىنا مەملەكەتتەن قولداۋ الىپ، الىس-جاقىن وڭىرلەرگە اسىل تۇقىمدى انالىق ارالاردىڭ ءونىمىن ساتىپ كەلەدى. بۇگىندە مۇندا 5000-نان استام بال ارا ۇياسى بار.
جۋرناليستەر تانىسقان كەلەسىن نىسان «زەرتاس» شق — نىڭ ءسۇت فەرماسى. قوجالىق 2019 جىلى اۆستريا ەلىنەن جەڭىلدەتىلگەن نەسيە جانە مەملەكەتتىك قولداۋ ارقىلى 128 باس ءسۇتتى-ەتتى باعىتتاعى اسىل تۇقىمدى سيىرلار اكەلگەن بولاتىن. شارۋاشىلىقتا جالپى ىقم باسى 161-گە جەتكەن. كاسىپكەر ءسۇت وندىرىسىنە مەملەكەتتەن قولداۋ الۋدا. جىل سوڭىنا دەيىن ىقم باسىن 300-گە جەتكىزىپ، شارۋاشىلىقتى كەڭەيتۋدى جوسپارلاپ وتىر.
جاسۇلان ءناۋرىزالى،
شىمكەنت
