Shymkentte tórt aıda 7,4 mlrd. teńgeniń aýyl sharýashylyǵy ónimi óndirilgen

2532
Adyrna.kz Telegram

Shymkent qalasynda bıylǵy jyldyń tórt aıynda aýyl sharýashylyǵy óniminiń jalpy kólemi 7,4 mlrd. teńgeni qurap, byltyrǵy jylmen salystyrǵanda edáýir artqan. Onyń ishinde ósimdik sharýashylyǵy – 1 mıllıard teńge, mal sharýashylyǵy – 6,2 mlrd. teńgeni quraǵan. Osy ýaqyt ishinde 4 myń tonnadan astam et, 13,3 tonna sút jáne 48,6 mln. dana jumyrtqa óndirildi.

Mal sharýashylyǵyn damytyp, ónim kólemin arttyrý maqsatynda jalpy somasy 2,3 mlrd. teńgeni quraıtyn 7 iri ınvestıııalyq jobalar júzege asyrylýda. Nátıjesinde jyl sońynda qosymsha 1,5 mln. lıtr sút, 40 mln. dana jumyrtqa, 2,2 myń tonna qus eti, 2 500 tonna et óndirilip, 210 jańa jumys oryndary ashylatyn bolady.
Atalǵan baǵyttaǵy jumystardy júrgizýge sýbsıdııalaý baǵdarlamasymen bıýdjetten 1140,7 mln.tg qarjy qaralǵan. Osyndaı memlekettik qoldaýǵa ıe bolǵan birqatar sharýqojalyqtyń jumysymen búgin jýrnalıster arnaıy baryp tanysty.

BAQ ókilderi eń aldymen Tassaı turǵyn alabynda ornalasqan «KKK» JShS –niń qus fermasyn aralap kórdi. Kásipker jeńildetilgen nesıeniń arqasynda qus sharýashylyǵyn qolǵa alyp, ónimderin qaıta óńdeýmen aınalysýda. Budan bólek, olar jylyna 100 tonnadan astam bal óndiretin JK «Normýhamedov» sharýashylyǵyna bardy. 2007 jyldan bal ara sharýashylyǵyn damytyp, asyldandyrý jumystaryna memleketten qoldaý alyp, alys-jaqyn óńirlerge asyl tuqymdy analyq aralardyń ónimin satyp keledi.  Búginde munda 5000-nan astam bal ara uıasy bar.

Jýrnalıster tanysqan kelesin nysan «Zertas» ShQ — nyń sút fermasy. Qojalyq 2019 jyly Avstrııa elinen jeńildetilgen nesıe jáne memlekettik qoldaý arqyly 128 bas sútti-etti baǵyttaǵy asyl tuqymdy sıyrlar ákelgen bolatyn. Sharýashylyqta jalpy IQM basy 161-ge jetken. Kásipker sút óndirisine memleketten qoldaý alýda. Jyl sońyna deıin IQM basyn 300-ge jetkizip, sharýashylyqty keńeıtýdi josparlap otyr.

Jasulan Naýryzáli,

Shymkent

Pikirler