شىمكەنت قالاسىنىڭ اقپاراتتىق-كوممۋنيكاتسيالىق ورتالىعىندا ءبىلىم سالاسىنداعى ساپانى قامتاماسىز ەتۋ دەپارتامەنتى باسشىسىنىڭ مىندەتىن اتقارۋشىسى اقمارال ءجۇنىسوۆانىڭ قاتىسۋىمەن ءبىلىم سالاسىندا ساپانى قامتاماسىز ەتۋ جانە ءبىلىم بەرۋ ۇيىمدارىن باقىلاۋ بويىنشا نورماتيۆتىك قۇقىقتىق اكتىلەرگە ەنگىزىلگەن وزگەرىستەر تۋرالى ونلاين-بريفينگ ءوتتى.
دەپارتامەنت باسشىسى مىندەتىن اتقارۋشىسىنىڭ مالىمدەۋىنشە، ەنگىزىلگەن وزگەرىستەر بارىسىندا پەداگوگتاردى كاسىبي مىندەتتەرىنە كىرمەيتىن جۇمىس تۇرلەرىنە تارتۋ، ولاردان قىزمەتتىك مىندەتىنە كىرمەيتىن ماسەلەلەر بويىنشا اقپارات نەمەسە ەسەپ تالاپ ەتۋ فاكتىلەرى بويىنشا وتىنىشتەر تۇسكەن جاعدايدا پەداگوگتاردىڭ قۇقىقتارىن بۇزعانى ءۇشىن ءتيىستى تۇلعالار مەن كاسىپتىك سۋبەكتىلەرى جاۋاپقا تارتىلادى. بۇل رەتتە تەكسەرۋ ءىسى ءبىلىم بەرۋ ساپاسىن قامتاماسىز ەتۋ دەپارتامەنتتەرى قۇقىقتىق ستاتيستيكا جانە ارنايى ەسەپ كوميتەتىندە جوسپاردان تىس تىركەلەدى.
وسى ورايدا اقمارال ءجۇنىسوۆا: «جوعارىدا اتاپ وتكەن قۇقىقتىق نورمالار بۇزىلسا، «اكىمشىلىك قۇقىق بۇزۋشىلىق تۋرالى» كودەكسىنىڭ 409 بابىنا سايكەس ءبىرىنشى ەسكەرتۋ جاسالادى، ەگەر اكىمشىلىك جازا قولدانىلعاننان كەيىن ءبىر جىل ىشىندە تاعى قايتالانسا، 20-دان 120-عا دەيىنگى اەك مولشەرىندە ايىپپۇل سالىنادى»، – دەدى.
بريفينگتە ۇلتتىق بىرىڭعاي دەرەكتەر قورىن جەتىلدىرۋ تۇرعىسىندا الداعى وقۋ جىلىندا تاۋەكەل دارەجەسىن انىقتاۋ جانە كەلەسى جارتىجىلدىققا پروفيلاكتيكالىق باقىلاۋ ءتىزىمىن قالىپتاستىرۋ ءۇشىن قانداي اقپارات كوزدەرى قولدانىلاتىنى دا ءسوز بولدى.
اتاپ ايتساق:
– باقىلاۋ سۋبەكتىسى ۇسىناتىن، ونىڭ ىشىندە اۆتوماتتاندىرىلعان اقپاراتتىق جۇيەلەر ارقىلى ۇسىناتىن ەسەپتىلىك پەن مالىمەتتەردى مونيتورينگىلەۋ ناتيجەلەرى;
– بۇرىنعى تەكسەرۋلەر مەن بارۋ ارقىلى پروفيلاكتيكالىق باقىلاۋ جانە قاداعالاۋ ناتيجەلەرى;
– راستالعان شاعىمدار مەن وتىنىشتەردىڭ بولۋى جانە سانى;
– ۋاكىلەتتى ورگاندار مەن ۇيىمدار ۇسىناتىن مالىمەتتەردى تالداۋ ناتيجەلەرى.
اقمارال مىرزابەكقىزىنىڭ ايتۋىنشا، وزگەرىستەر كەزىندە ورتا ءبىلىم بەرۋ ۇيىمدارىنىڭ تۇرلەرى بويىنشا جەكە-جەكە تالاپتار قاراستىرىلعان. ياعني، گيمنازيا، ليتسەي، دارىندى بالالارعا ارنالعان مامانداندىرىلعان ءبىلىم بەرۋ ۇيىمدارىندا جوعارى جانە ءبىرىنشى كاتەگورياسى بار پەداگوگتاردىڭ ۇلەسى كوبىرەك بولۋى كەرەك. وعان قوسا، ءبىلىم بەرۋ ۇيىمدارىنىڭ ماتەريالدىق قۇرال-جابدىقتارىنا قاتىستى تالاپتار كۇشەيتىلىپ، كومپيۋتەر كلاستارى، ينتەرنەت جەلىسى قوسىلۋى جانە بەينەباقىلاۋدىڭ بولۋىن قاجەت ەتەتىن نورمالار ەنگىزىلگەن.
سونداي-اق، وزگەرىستەردە تەحنيكالىق جانە كاسىپتىك ءبىلىم بەرۋ، كوللەدج جانە جوعارى كوللەدجدەردە ماماندىق بويىنشا جۇمىسقا ورنالاسقاندار مەن جۇمىسپەن قامتىلعانداردىڭ ۇلەسى كەمىندە 75% قۇراۋى تۋرالى، ال جاتاقحانا نەمەسە حوستەلدەگى ستۋدەنتتەرگە تۇرمىستىق جاعداي جاساۋ قاجەت ەكەندىگى تۋرالى تالاپتار تولىقتىرىلعان.
«الداعى ۋاقىتتا ءبىلىم بەرۋ ۇيىمدارىنا قويىلاتىن تالاپتار كۇشەيتىلىپ، ءبىلىم بەرۋ ساپاسىنىڭ ارتۋى كوزدەلۋدە»، - دەپ ءسوزىن تۇيىندەدى ا.ءجۇنىسوۆا.
باق وكىلدەرى تاراپىنان قويىلعان سۇراقتارعا تياناقتى جاۋاپ بەرىلدى.
شىمكەنت قالاسى
