Shymkent qalasynyń aqparattyq-kommýnıkaııalyq ortalyǵynda Bilim salasyndaǵy sapany qamtamasyz etý departamenti basshysynyń mindetin atqarýshysy Aqmaral Júnisovanyń qatysýymen bilim salasynda sapany qamtamasyz etý jáne bilim berý uıymdaryn baqylaý boıynsha normatıvtik quqyqtyq aktilerge engizilgen ózgerister týraly onlaın-brıfıng ótti.
Departament basshysy mindetin atqarýshysynyń málimdeýinshe, engizilgen ózgerister barysynda pedagogtardy kásibı mindetterine kirmeıtin jumys túrlerine tartý, olardan qyzmettik mindetine kirmeıtin máseleler boıynsha aqparat nemese esep talap etý faktileri boıynsha ótinishter túsken jaǵdaıda pedagogtardyń quqyqtaryn buzǵany úshin tıisti tulǵalar men kásiptik sýbektileri jaýapqa tartylady. Bul rette tekserý isi Bilim berý sapasyn qamtamasyz etý departamentteri Quqyqtyq statıstıka jáne arnaıy esep komıtetinde jospardan tys tirkeledi.
Osy oraıda Aqmaral Júnisova: «Joǵaryda atap ótken quqyqtyq normalar buzylsa, «Ákimshilik quqyq buzýshylyq týraly» Kodeksiniń 409 babyna sáıkes birinshi eskertý jasalady, eger ákimshilik jaza qoldanylǵannan keıin bir jyl ishinde taǵy qaıtalansa, 20-dan 120-ǵa deıingi AEK mólsherinde aıyppul salynady», – dedi.
Brıfıngte ulttyq biryńǵaı derekter qoryn jetildirý turǵysynda aldaǵy oqý jylynda táýekel dárejesin anyqtaý jáne kelesi jartyjyldyqqa profılaktıkalyq baqylaý tizimin qalyptastyrý úshin qandaı aqparat kózderi qoldanylatyny da sóz boldy.
Atap aıtsaq:
– Baqylaý sýbektisi usynatyn, onyń ishinde avtomattandyrylǵan aqparattyq júıeler arqyly usynatyn eseptilik pen málimetterdi monıtorıngileý nátıjeleri;
– Burynǵy tekserýler men barý arqyly profılaktıkalyq baqylaý jáne qadaǵalaý nátıjeleri;
– Rastalǵan shaǵymdar men ótinishterdiń bolýy jáne sany;
– Ýákiletti organdar men uıymdar usynatyn málimetterdi taldaý nátıjeleri.
Aqmaral Myrzabekqyzynyń aıtýynsha, ózgerister kezinde orta bilim berý uıymdarynyń túrleri boıynsha jeke-jeke talaptar qarastyrylǵan. Iaǵnı, gımnazııa, lıeı, daryndy balalarǵa arnalǵan mamandandyrylǵan bilim berý uıymdarynda joǵary jáne birinshi kategorııasy bar pedagogtardyń úlesi kóbirek bolýy kerek. Oǵan qosa, bilim berý uıymdarynyń materıaldyq qural-jabdyqtaryna qatysty talaptar kúsheıtilip, kompıýter klastary, ınternet jelisi qosylýy jáne beınebaqylaýdyń bolýyn qajet etetin normalar engizilgen.
Sondaı-aq, ózgeristerde tehnıkalyq jáne kásiptik bilim berý, kolledj jáne joǵary kolledjderde mamandyq boıynsha jumysqa ornalasqandar men jumyspen qamtylǵandardyń úlesi keminde 75% quraýy týraly, al jataqhana nemese hosteldegi stýdentterge turmystyq jaǵdaı jasaý qajet ekendigi týraly talaptar tolyqtyrylǵan.
«Aldaǵy ýaqytta bilim berý uıymdaryna qoıylatyn talaptar kúsheıtilip, bilim berý sapasynyń artýy kózdelýde», - dep sózin túıindedi A.Júnisova.
BAQ ókilderi tarapynan qoıylǵan suraqtarǵa tııanaqty jaýap berildi.
Shymkent qalasy
