الماتى قالاسى تجد وكىلى 14 مامىردا ايتىلعان ەسكەرتۋدەن كەيىن قالانىڭ بارلىق اپات-قۇتقارۋ قىزمەتى جوعارى دايىندىققا كەلتىرىلگەنىن حابارلادى. ءجيى سۋ باساتىن ۋچاسكەلەرگە الدىن الا ادامدار مەن تەحنيكا جىبەرىلدى.
«ءۇش ۋچاسكەدە بۇل شارالار ءوزىن اقتادى. كەلىپ تۇسۋىنە قالعان وتىنىمدەر جەدەل پىسىقتالدى. اۋلاسىنا سۋ كىرىپ ۇلگەرگەن 15 جەكە تۇرعىن ءۇي سۋ باسۋدان امان قالدى. ءتورت جاعدايدا سۋ جولعا شىعىپ، ەكەۋىندە - كوپپاتەرلى ۇيلەردىڭ جەرتولەسىنە قۇيىلدى»، - دەپ ءتۇسىندىردى ۆەدومستۆو وكىلى.
سونداي-اق، ناۋرىزباي اۋدانى ءاشىموۆ كوشەسى، 89-ۇيدە ارىق جۇيەسى تولىپ، سۋ جەكە تۇرعىن ءۇي اۋماعىنا كىرگەن.
«ساعات 12.00-گە دەيىن جەرگە 30 دانا قاپ توسەلىپ، اپاتتىڭ الدى الىندى، وعان 5 دانا تەحنيكا مەن 15 ادام جۇمىلدى»، - دەپ اتاپ ءوتتى تجد.
سونداي-اق، 19 اعاش قۇلاپ، ونىڭ 8-ءى اۆتوكولىكتەرگە، 11-ءى جولعا تۇسكەن.
سۋ باسۋدى جويۋعا ءوزارا ءىس-قيمىل قىزمەتىنىڭ 131 قىزمەتكەرى، 39 دانا تەحنيكا، 9 موتوپومپا جۇمىلدى. قازا بولعاندار مەن زارداپ شەككەندەر جوق.
بارلىعى 840 تەكشە مەتر سۋ سورىلىپ، 260 قاپ توسەلدى. جۇمىس ءالى دە جالعاسىپ جاتىر.
