Almaty qalasy TJD ókili 14 mamyrda aıtylǵan eskertýden keıin qalanyń barlyq apat-qutqarý qyzmeti joǵary daıyndyqqa keltirilgenin habarlady. Jıi sý basatyn ýchaskelerge aldyn ala adamdar men tehnıka jiberildi.
«Úsh ýchaskede bul sharalar ózin aqtady. Kelip túsýine qalǵan ótinimder jedel pysyqtaldy. Aýlasyna sý kirip úlgergen 15 jeke turǵyn úı sý basýdan aman qaldy. Tórt jaǵdaıda sý jolǵa shyǵyp, ekeýinde - kóppáterli úılerdiń jertólesine quıyldy», - dep túsindirdi vedomstvo ókili.
Sondaı-aq, Naýryzbaı aýdany Áshimov kóshesi, 89-úıde aryq júıesi tolyp, sý jeke turǵyn úı aýmaǵyna kirgen.
«Saǵat 12.00-ge deıin jerge 30 dana qap tóselip, apattyń aldy alyndy, oǵan 5 dana tehnıka men 15 adam jumyldy», - dep atap ótti TJD.
Sondaı-aq, 19 aǵash qulap, onyń 8-i avtokólikterge, 11-i jolǵa túsken.
Sý basýdy joıýǵa ózara is-qımyl qyzmetiniń 131 qyzmetkeri, 39 dana tehnıka, 9 motopompa jumyldy. Qaza bolǵandar men zardap shekkender joq.
Barlyǵy 840 tekshe metr sý sorylyp, 260 qap tóseldi. Jumys áli de jalǵasyp jatyr.
