قازاقستاندا 15 ناۋرىزدا ەنگىزىلگەن توتەنشە جاعداي رەجيمىنىڭ مەرزىمى اياقتالدى، دەپ حابارلايدى Sputniknews.kz.
مەملەكەت باسشىسى توتەنشە جاعدايدى ۇزارتۋ تۋرالى جارلىققا ەكى رەت قول قويدى. باستاپقىدا ول 16 ساۋىردە، سودان كەيىن 1 مامىردا ساعات 07:00-دە اياقتالۋى كەرەك ەدى، بىراق قايتادان 11 مامىر ساعات 00:00 دەيىن ۇزارتىلدى.
قازاقستان رەسپۋبليكاسىنىڭ ۇكىمەتىنە ورتالىق جانە جەرگىلىكتى مەملەكەتتىك ورگاندارمەن بىرلەسىپ، قاجەتتى شارالاردى قابىلداۋ تاپسىرىلدى، توتەنشە جاعداي رەجيمىن قامتاماسىز ەتۋ جونىندە مەملەكەتتىك كوميسسيا قۇرىلدى.
توتەنشە جاعداي توقتاتىلعاننان كەيىن كارانتين الىنا ما؟
توتەنشە جاعداي رەجيمى توقتاتىلعاننان كەيىن دە كارانتين جانە شەكتەۋ شارالارى ساقتالۋى مۇمكىن.
بۇكىل قازاقستان بويىنشا كارانتين ەنگىزىلدى. 20 ساۋىردەن باستاپ الماتى مەن نۇر-سۇلتاندا، 27 ساۋىردەن وڭىرلەردە، 1 مامىردان شىمكەنتتە شەكتەۋلەر بىرتىندەپ الىنا باستادى.
شەكتەۋلەردىڭ باسىم بولىگى 4 مامىردان باستاپ كۇشىن جويدى.
مەگاپوليستەر مەن وبلىستاردىڭ شەكارالارىنداعى بلوكپوستاردى الىپ تاستاۋ تۋرالى شەشىم كەزەڭ-كەزەڭىمەن قابىلدانادى.
قازاقستاندا 11 مامىردان باستاپ كىمدەرگە جۇمىس ىستەۋگە رۇقسات ەتىلەدى
دۇيسەنبى، 11 مامىردا قازاقستان پرەزيدەنتى قاسىم-جومارت توقاەۆ مەملەكەتتىك كوميسسيانىڭ وتىرىسىن وتكىزىپ، مالىمدەمە جاسايدى.
مەملەكەت باسشىسى كوروناۆيرۋسقا قاتىستى جاعدايدى باعالاپ، توتەنشە جاعداي رەجيمى الىنعاننان كەيىن ۇكىمەت پەن باسقا دا مەملەكەتتىك ورگانداردىڭ ودان ءارى ارەكەت ەتۋ ستراتەگياسىن انىقتايدى دەپ بولجانۋدا.
توتەنشە جاعداي الىنعاننان كەيىن 42500 تەڭگە جاردەماقى تولەنە مە؟
ەڭ تومەنگى جالاقى مولشەرىندەگى الەۋمەتتىك تولەم ءبىر رەت تاعايىندالادى جانە توتەنشە جاعداي كەزىندە اي سايىن تولەنەدى.
ەكى اي ىشىندە، توتەنشە جاعداي رەجيمى كەزىندە، شەكتەۋلەرگە بايلانىستى جۇمىسىنان ايىرىلعان ازاماتتارعا ەكى رەت تولەم جاسالدى.
ىشكى اۋە قاتىناسىن قالپىنا كەلتىرۋ
1 مامىردان باستاپ پرەزيدەنت قاسىم-جومارت توقاەۆتىڭ تاپسىرماسىمەن نۇر-سۇلتان مەن الماتى اراسىنداعى رەيستەر قالپىنا كەلتىرىلدى.
4 مامىردان باستاپ ۇشاق نۇر-سۇلتان مەن الماتىدان قىزىلوردا، پەتروپاۆل، وسكەمەن جانە سەمەيگە ۇشا باستادى.
ال 11 مامىردان باستاپ نۇر-سۇلتان مەن الماتىدان اقتوبە، پاۆلودار، تاراز، قاراعاندى، تالدىقورعان، كوكشەتاۋعا ۇشۋعا بولادى.
13 مامىردان قوستاناي مەن ۇشارالعا رەيستەر قالپىنا كەلتىرىلەدى.
فوتو: اشىق دەرەككوز
