Qazaqstanda tótenshe jaǵdaı rejımi alynyp tastaldy

2917
Adyrna.kz Telegram

Qazaqstanda 15 naýryzda engizilgen tótenshe jaǵdaı rejıminiń merzimi aıaqtaldy, dep habarlaıdy Sputniknews.kz.

Memleket basshysy tótenshe jaǵdaıdy uzartý týraly jarlyqqa eki ret qol qoıdy. Bastapqyda ol 16 sáýirde, sodan keıin 1 mamyrda saǵat 07:00-de aıaqtalýy kerek edi, biraq qaıtadan 11 mamyr saǵat 00:00 deıin uzartyldy.

Qazaqstan Respýblıkasynyń úkimetine ortalyq jáne jergilikti memlekettik organdarmen birlesip, qajetti sharalardy qabyldaý tapsyryldy, tótenshe jaǵdaı rejımin qamtamasyz etý jóninde memlekettik komıssııa quryldy.

Tótenshe jaǵdaı toqtatylǵannan keıin karantın alyna ma?

Tótenshe jaǵdaı rejımi toqtatylǵannan keıin de karantın jáne shekteý sharalary saqtalýy múmkin.

Búkil Qazaqstan boıynsha karantın engizildi. 20 sáýirden bastap Almaty men Nur-Sultanda, 27 sáýirden óńirlerde, 1 mamyrdan Shymkentte shekteýler birtindep alyna bastady.

Shekteýlerdiń basym bóligi 4 mamyrdan bastap kúshin joıdy.

Megapolıster men oblystardyń shekaralaryndaǵy blokpostardy alyp tastaý týraly sheshim kezeń-kezeńimen qabyldanady.

Qazaqstanda 11 mamyrdan bastap kimderge jumys isteýge ruqsat etiledi
Dúısenbi, 11 mamyrda Qazaqstan prezıdenti Qasym-Jomart Toqaev memlekettik komıssııanyń otyrysyn ótkizip, málimdeme jasaıdy.

Memleket basshysy koronavırýsqa qatysty jaǵdaıdy baǵalap, tótenshe jaǵdaı rejımi alynǵannan keıin úkimet pen basqa da memlekettik organdardyń odan ári áreket etý strategııasyn anyqtaıdy dep boljanýda.

Tótenshe jaǵdaı alynǵannan keıin 42500 teńge járdemaqy tólene me?
Eń tómengi jalaqy mólsherindegi áleýmettik tólem bir ret taǵaıyndalady jáne tótenshe jaǵdaı kezinde aı saıyn tólenedi.

Eki aı ishinde, tótenshe jaǵdaı rejımi kezinde, shekteýlerge baılanysty jumysynan aıyrylǵan azamattarǵa eki ret tólem jasaldy.

Ishki áýe qatynasyn qalpyna keltirý

1 mamyrdan bastap prezıdent Qasym-Jomart Toqaevtyń tapsyrmasymen Nur-Sultan men Almaty arasyndaǵy reıster qalpyna keltirildi.

4 mamyrdan bastap ushaq Nur-Sultan men Almatydan Qyzylorda, Petropavl, Óskemen jáne Semeıge usha bastady.

Al 11 mamyrdan bastap Nur-Sultan men Almatydan Aqtóbe, Pavlodar, Taraz, Qaraǵandy, Taldyqorǵan, Kókshetaýǵa ushýǵa bolady.

13 mamyrdan Qostanaı men Úsharalǵa reıster qalpyna keltiriledi.

Foto: ashyq derekkóz

Pikirler