ماقتاارالدىقتاردىڭ بۇگىنگى جاي كۇيى شىمكەنتتىك كاسىپكەرلەردى دە بەي-ءجاي قالدىرمادى. جومارت جاندار ءمىرزاشول وڭىرىنە قاجەتتى كيىم-كەشەك پەن گيگيەنالىق زاتتار جىبەردى. اتاپ ايتساق، كاسىپكەرلەر تاراپىنان 4000 ادامعا اياق-قيىم مەن سپورتتىق كيىمدەر، ودان بولەك 200 دانا جەيدە مەن 150 دانا ايەلدەرگە ارنالعان كويلەك، شالبارلار جونەلتىلدى.
"اپاتتىڭ ايتىپ كەلمەيتىنى بەلگىلى. سوندىقتان ماقتاارال اۋدانىنا قيىن ساتتە قول ءۇشىن سوزىپ، توتەنشە جاعداي زارداپتارىن جويۋعا بۇكىل حالىق بولىپ اتسالىسۋ – بارشامىزدىڭ ازاماتتىق مىندەتىمىز. كومەك كورسەتۋ بۇنىمەن توقتاپ قالماي، ءارى قاراي دا جالعاساتىن بولادى،» - دەيدى شىمكەنت قالاسى وتباسى، بالالار جانە جاستار ىستەرى جونىندەگى باسقارما باسشىسى جاندوس قالتاەۆ .
سونىمەن قاتار، "شىمكەنت ۆولونتەرلار قاۋىمداستىعى" كومەككە العاشقىلاردىڭ ءبىرى بولىپ ات سالىسۋدا. قازىر اتالعان قاۋىمداستىق سۋ تاسقىنىنان زارداپ شەككەن تۇرعىندارعا قاجەتتى زاتتار، ازىق-تۇلىكتەر مەن بالالارعا ويىنشىقتار، توسەك ورىندارىن جەتكىزۋ ءۇشىن كومەكتەسۋدە.
ايتا كەتەيىك، شىمكەنتتىك ەرىكتىلەر قاۋىمداستىعى بالالارعا كوڭىل ءبولىپ جازعى كامپۋس ۇيىمداستىرۋدى جوسپارلاپ وتىر. توتەنشە جاعدايدا زارداپ شەككەن اتا-انالاردىڭ كۇيزەلىسى بالالارعا اسەر ەتپەس ءۇشىن وسىنداي ءىستى قولعا الۋدى ءجون دەپ تاپقان. ولاردىڭ ماقساتى – وقۋشىلارىڭ مەكتەپ باعدارلاماسى بويىنشا قوسىمشا سۇيەمەلدەۋ ساباقتارىن ءوتىپ، ءتۇرلى شارالار ارقىلى دەمالىس ۋاقىتىن ءتيىمدى وتكىزۋ.
شىمكەنت
