Shymkenttikter maqtaaraldyqtarǵa kıim-keshek pen qajetti zattar jiberdi

2429
Adyrna.kz Telegram

Maqtaaraldyqtardyń búgingi jaı kúıi shymkenttik kásipkerlerdi de beı-jáı qaldyrmady. Jomart jandar Myrzashól óńirine qajetti kıim-keshek pen gıgıenalyq zattar jiberdi. Atap aıtsaq, kásipkerler tarapynan 4000 adamǵa aıaq-qıim men sporttyq kıimder, odan bólek 200 dana jeıde men 150 dana áıelderge arnalǵan kóılek, shalbarlar jóneltildi.
"Apattyń aıtyp kelmeıtini belgili. Sondyqtan Maqtaaral aýdanyna qıyn sátte qol úshin sozyp, tótenshe jaǵdaı zardaptaryn joıýǵa búkil halyq bolyp atsalysý – barshamyzdyń azamattyq mindetimiz. Kómek kórsetý bunymen toqtap qalmaı, ári qaraı da jalǵasatyn bolady,» - deıdi Shymkent qalasy otbasy, balalar jáne jastar isteri jónindegi basqarma basshysy Jandos Qaltaev .


Sonymen qatar, "Shymkent volonterlar qaýymdastyǵy" kómekke alǵashqylardyń biri bolyp at salysýda. Qazir atalǵan qaýymdastyq sý tasqynynan zardap shekken turǵyndarǵa qajetti zattar, azyq-túlikter men balalarǵa oıynshyqtar, tósek oryndaryn jetkizý úshin kómektesýde.
Aıta keteıik, Shymkenttik eriktiler qaýymdastyǵy balalarǵa kóńil bólip jazǵy kampýs uıymdastyrýdy josparlap otyr. Tótenshe jaǵdaıda zardap shekken ata-analardyń kúızelisi balalarǵa áser etpes úshin osyndaı isti qolǵa alýdy jón dep tapqan. Olardyń maqsaty – oqýshylaryń mektep baǵdarlamasy boıynsha qosymsha súıemeldeý sabaqtaryn ótip, túrli sharalar arqyly demalys ýaqytyn tıimdi ótkizý.

Shymkent

Pikirler