وزبەكستاننىڭ شەكارا ماڭىنا اتوم ەلەكتر ستانتسياسىن سالۋىنا قارسىمىن!

6381
Adyrna.kz Telegram

وزبەكستان ۇكىمەتى 2018-ءشى جىلى جىزاق وبلىسىنداعى تۋزكان كولىنىڭ مانىنان باستاپقى قۋاتتىلىعى 1200 گۆت اەس سالۋ جونىندە رەسەي ۇكىمەتىمەن كەلىسىمگە قول قويىپ، قارقىندى جۇمىس باستاپ كەتتى.
قوسىمشا بلوكتار قوسا وتىرىپ، جالپى قۋاتتىلىعى 4,8 گۆت اەس-ىن 2028-ءشى جىلعا دەيىن ىسكە قوسۋدى جوسپارلاپ وتىر.
ۆۆەر – 1200 اەس-ى 9 باللدىق جەر سىلكىنىسىنە شىدايتىن "3+" نۇسقاسىنا (پوكولەنيا) جاتادى.

مۇنىڭ بىزگە قاتىسى قانشا دەگەن ويعا كەلەتىندەر ءۇشىن قىسقاشا مالىمەت بەرە كەتەيىن.

تۋزكان كولىن كارتادان ىزدەسەڭىزدەر، "شاردارا" سۋ قويماسىنىڭ جانىندا ورنالاسقان ايداركول كولىنىڭ ءبىر بولىگىن كورسەتەدى.
تۋزكان كولىنىڭ كولەمى "شاردارا" سۋ قويماسىنان ەكى ەسە ۇلكەن.
اەس-نىڭ بەلگىلەنگەن ورنى قازاقستان شەكاراسىنان شامامەن 40-50 شاقىرىم جەردە ورنالاسقان دەپ ايتىلاتىن بىراق،  ناقتى ورنى انىقتالماعان اقپارات بار. (تۋزكان كولىنىڭ جانىندا بەلگىلەندى دەگەن "ۋزاتوم" تاراتقان رەسمي مالىمەتى بار)

 

ياعني، ول ءبىزدىڭ شەكارا ماڭىندا سوعىلماق.

بۇل دەگەنىمىز – ەندى 5-8 جىلدانسوڭ، سول ماڭداعى حالقى تىعىز ورنالاسقان تۇتاستاي 3 اۋدانعا ۇلكەن قاۋىپ توندىرەتىن ءوندىرىس بولادى دەگەن ءسوز.
وكىنىشكە قاراي وزبەكستان-رەسەي اەس سوعۋ كەلىسىمىنەن قازاقستان ۇكىمەتىنىڭ كەلىسىمى كورسەتىلگەن مالىمەتتى ەش جەردەن تابا المادىم. (كەلىسىمىن الماعان بولسادا تاڭقالمايمىن. ءدال سولاي ءبىزدىڭ ۇكىمەت كەلىسىمىن بەرگەن بولسادا).

ەندى، نە ءۇشىن قازاقستاننىڭ كەلىسىمىن الۋ كەرەكتىگى جونىندە ايتايىن.
كەزىندە ۋكراينادا بولعان چەرنوبل اپاتى ءبارىڭىزدىڭ ەستەرىڭىزدە بولار؟! سول چەرنوبل اەس-نىڭ قۋاتتىلىعى 4 گۆت
بولعان.
اپاتتىڭ سالدارىنان 200 000 شارشى شاقىرىم جەر ەكولوگيالىق اپاي ايماعىنا اينالدى.
100-140 كم راديۋستاعى جەردىڭ ءبارى "قىزىل بەلدەۋگە" ەندى.
950-گە جۋىق ەلدىمەكەندەر باسقا ايماققا كوشىرىلگەن.
اپاتتىڭ سالدارىمەن كۇرەسكە 600 000 ادام جۇمىلدىرىلدى. زاردابىن ميلليونداعان ادامدار شەكتى. ناقتى سانىن ەشكىم ايتا المايدى.
زياندى قالدىقتار ۋكراينادان وزگە بەلارۋسيا، رەسەي، نورۆەگيا، فينليانديا، شۆەتسيا، ءتىپتى كاناداعا دەيىن بارعان.

كورشىلەس بەلورۋسيانىڭ 75% جەرىنە تارالىپ، 250 ەلدىمەكەن كوشىرىلگەن.
بەلارۋسسيا ەلى 35 جىل وتسەدە، ءالى كۇنگە اپاتتىڭ سالدارىمەن مەملەكەتتىك 5 باعدارلاما ارناپ كۇرەسىپ كەلەدى.

الەمدە تەحنولوگياسى ەڭ وزىق دامىعان جاپونيا مەملەكەتىندەگى "فۋكۋسيما" اەس-عى جارىلىستى ەسكە الساقتا جەتكىلىكتى. ول جەردەگى زياندى قالدىقتاردىڭ سۋ ارقىلى مۇحيتقا تارالعاندىعىن ەسكەرسەك، تابيعاتقا كەلتىرگەن وراسان زور زياندىلىعىن ءدوپ باسىپ ەشكىم ايتا المايدى.

جاپونداردى دا مىسالعا كەلتىرۋدەگى سەبەبىم، وزبەكستان ۇكىمەتى سوعاتىن اەس سىرداريا وزەنىنىڭ سۋىنا تىكەلەي قاتىستى.
ال، ول وزەننىڭ بويىندا ورنالاسقان
تۇركىستان جانە قىزىزوردا وبلىستارىنداعى ارال تەڭىزىنە دەيىنگى ەلدى مەكەندەردى تىزبەكتەپ شىعۋدىڭ قاجەتى جوق شىعار. سول ايماقتاعى حالىقتاردىڭ كاسىپتەرى تىكەلەي وسى وزەننىڭ سۋىمەن بايلانىستى. قازاقستان حالقىنىڭ 20-30% ورنالاسقان.

بۇل جەردە وزبەكستان ۇكىمەتىنىڭ ءوز ىشكى ەسەبى بار. سوندىقتان، 8000 ادامدى تۇراقتى جۇمىسپەن قامتىپ، 3,5 ملرد كۋب گازدى ۇنەمدەيمىز، تۇراقتى ءوسىپ كەلە جاتقان حالقىنىڭ ەنەرگياعا دەگەن سۇرانىسىن تولىق قامتىپ، ءبىراز بولىگىن سىرتقا ساتىپ تابىس تابامىز دەپ مالىمدەپ وتىر. ايتىپ وتىرعاندارىنىڭ ءبارى راس.
1 كگ اەس وتىنى 200 ت كومىر جانعانداعى ەنەرگياسىن بەرەتىندىگىن ەسكەرسەك، ارزان ەنەرگيامەن وزدەرىن قامتاماسىز ەتپەك.
2019 ج 16-شى مامىرىندا ەكى ەل بىرىككەن "جول كارتاسىنا" قول قويىپ، تاشكەنتتە رەسەيدىڭ ميفي فيليالى اشىلىپ 100 ستۋدەنت يادرولىق تەحنولوگياسىن يگەرۋ سالاسى بويىنشا وقۋىن باستادى.

مۇنداي ءوندىرىس ورنىن وزدەرىنىڭ ىشكى ايماعىندا، ءبىزدىڭ شەكارامىزدان 1000 كم قاشىقتىقتا بىزگە قاتىسى جوق امۋداريانىڭ ساعاسىنا سوعىپ جاتسا، وندا، بىزبەن ساناسپاۋلارىنا بولار ەدى.
ال، ولاردىڭ شەكارامىزدىڭ ماڭىندا، ورتاق وزەنىمىزدىڭ ساعاسىنا سوعىپ جاتقان قاۋىپتى اەس قۇرلىسىنا قارسىلىق تانىتىپ سۇراۋ سالماي، ءوز حالقىمىزدىڭ تاعدىرىن وزگەنىڭ قولىنا تاپسىرىپ قويۋ قانشالىقتى دۇرىس؟!

كەشە عانا سوعىلىپ پايدالانۋعا بەرىلگەن سۋ قويماسىنداعى اپاتتان كەيىن(ايدىڭ-كۇننىڭ اماندىعىندا), ءارى، كورشىگە تونگەن قاۋىپتى ءبىلىپ تۇرىپ قازاقستان ۇكىمەتىنە وتىرىك اقپارات بەرگەن، وزبەكستان ۇكىمەتىنىڭ مۇنداي قاۋىپتى ءوندىرىس ورنىن ءبىزدىڭ شەكارانىڭ ماڭىندا، ورتاق وزەننىڭ ساعاسىنا سوعىلعانىنا تۇبەگەيلى قارسىمىن!

تەز ارادا مىنا جوبانىڭ قۇرلىس ورنىن شەكارادان الىس ايماققا اۋىستىرماسا، كارانتين بىتكەن كۇنى "شەكارا ماڭىندا اەس سوعىلۋىنا قارسىلىق" ميتينگىسىن ۇيىمداستىراتىنىمدى مالىمدەيمىن!
"يادرولىق تەحنولوگيانىڭ" زاردابىنان قازاقتىڭ كورگەن ازابى جەتەدى! ەندىگى جەردە ء"وز قولىمىز ءوز اۋزىمىزعا جەتكەندە" حالقىمىزدىڭ باسىنا تاعى ءبىر قاۋىپتىڭ تونۋىنە جول بەرمەيمىز!

رۇستەم اشەتاەۆ،
جۋرناليست، قوعام بەلسەندىسى،

"بايتاق بولاشاق" رەسپ.ەكو اليانسىنىڭ شىمكەنت قالالىق فيليال توراعاسى.

بايلانىس تەل: 87022752010

پىكىرلەر