بەلارۋس مەملەكەتى رەسەيلىك جۋرناليستەردى قۋىپ شىقتى

4161
Adyrna.kz Telegram

رەسەيدىڭ ءبىرىنشى ارناسىنىڭ ءتۇسىرىلىم توبى (كوررەسپوندەنت الەكسەي كرۋچينين مەن وپەراتور سەرگەي پاناسيۋك) بەلارۋستە كوروناۆيرۋستىڭ احۋالى تۋرالى سيۋجەت تۇسىرگەنى ءۇشىن بەلارۋس مەملەكەتى اككرەديتاتسيادان ايىردى. بۇل تۋرالى "ادىرنا" "تەنگرينيۋس-كە" سىلتەمە جاساپ حابارلايدى.

كرۋچينيننىڭ اككرەديتتەۋ كارتاسى جويىلدى. ياعني، ول ەندى بەلارۋستە جۋرناليست بولا المايدى. «مەنى ەلدەن شىعارىپ جىبەردى، مەن قازىر رەسەيدەمىن» دەگەن TUT.BY-گە بەرگەن جاۋابىندا جۋرناليست.

بەلارۋس ءسىم اككرەديتتەۋ قۇقىعىنان ايىرۋدىڭ سەبەبى «شىندىققا جاناسپايتىن اقپارات تاراتۋ، ازاماتتاردىڭ ار-نامىسى مەن قادىر-قاسيەتىنە نۇقسان كەلتىرەدى» دەپ مالىمدەدى.

ءبىرىنشى ارنا ءوزىنىڭ كوررەسپوندەنتىنىڭ شىعارىلعانىن جانە بۇكىل ەكيپاجدىڭ اككرەديتاتسيادان باس تارتقانىن راستادى. «ءبىز بەلارۋس بيلىگىنىڭ بۇل ارەكەتىن مۇلدەم نەگىزسىز دەپ سانايمىز»، - دەدى ارنانىڭ ءباسپاسوز قىزمەتى.

6 مامىردا تاڭەرتەڭ ء"بىرىنشى ارنا" بەلارۋستە كوروناۆيرۋس جۇقتىرعان ادامدار مەن ءولىم جاعدايلارىنىڭ كۇرت وسكەنى تۋرالى ايتتى. سيۋجەتتە «جەرگىلىكتى تۇرعىنداردىڭ رەسمي ستاتيستيكاسى شىندىققا جاناسپايدى» دەپ كورسەتىلگەن. سۋرەت رەتىندە جەرگىلىكتى زيراتتىڭ پانورامالىق سۋرەتى ءتۇسىرىلدى.

6 مامىردا كەشكە «بەلارۋس 1» مەملەكەتتىك ارناسى رەسەيلىك ارىپتەستەرىنىڭ  ءسوزىن وتىرىك دەپ ايىپتاعان رەپورتاجى جاريالاندى.

«پاندەميا باستالعالى بەرى ء"بىرىنشى ارنا" بەلارۋس  جايلى بىرنەشە رەت جۇرتتى قورقىتاتىن حابار شىعارۋعا تىرىستى، جانە بۇل ءاردايىم جالعان بولىپ شىقتى. ء"بىرىنشى ارنالىق جولداستار» بۇلارىڭىز ۇيات، - دەلىنگەن حابارلامادا.

دەنساۋلىق ساقتاۋ مينيسترلىگىنىڭ مالىمەتىنشە، 7 مامىردا بەلارۋستە 20 168 ادام COVID-19  تىركەلگەن. وتكەن تاۋلىك ىشىندە ءوسىم 913 جاڭا جاعدايدى قۇرادى.

بۇرىن COVID-19 دياگنوزى قويىلعان 5067 پاتسيەنت جازىلىپ، ۇيىنە جىبەرىلدى (كۇنىنە 679). ەلدە ينفەكتسيانىڭ تارالۋىنىڭ بۇكىل كەزەڭىندە 116 ناۋقاس قايتىس بولدى.

پىكىرلەر